Guéret, Ymbert (…-…). Musician

Ymbert Gueret a des lettres de tonsure datées du 28 mars 1561 et signées de Seneulx aux armoiries de l’évêque de Chartres.
• Cathédrale Orléans, 1573. Ymbert Guéret est choriste en 1573 à la cathédrale d’Orléans (Herluison 1897, p. 785), d’après les registres capitulaires de la cathédrale de la Sainte-Croix à Orléans.
• Sainte-Chapelle de Bourges, 1573-1575. Le 5 décembre 1573, « sur la requeste presentée par Ymbert Gueret chantre et muzicien tendant affin d’estre receu en l’eglise de seans pour y faire service tout ainsi que l’ung des aultres chantres, toutesfoys a tel gaiges quil plaira a messieurs ; la susdite requeste myse en deliberation eu esgard que ledit Gueret est propre et a voye suffisante pour chanter en ladite eglise, messieurs ont retenu et retiennent ledit Gueret pour leur service a icelle et pour y chanter a la charge qu’il obeyra et fera son debvoir selon les statutz et privilleges d’icelle esglise aux gaiges de 90 livres par an et son pain de chappitre tel quil a acoustumé estre bailhé aux chappelains et vicaires de ceans tant seulement ; et ce tant quil leur plaira. Lequel Gueret sur ce oy qui a promis faire son debvoir en ladite eglise selon quil luy sera commandé de la part desdits sieurs ou aultre pour eulx, s’est contenté et contante desdits gaiges qui luy seront payables de sepmaine en sepmaine par leur receveur, auquel ilz le mande ainsi le faire sans difficulté et rapportant quittance dudit Gueret… [ce même jour, messieurs] ont ordonné que le receveur bailhera a Ymbert Gueret chantre la somme de 26 sous tournois pour 5 journées quil a chanté et fait son debvoir de chanter en l’eglise de ceans auparavant quil feust receu aux gaiges ; [ont] commis monsieur Dumayne pour achapter une robbe de petit pris pour bailler a Ymbert Gueret chantre ». Le 23 décembre 1573, « messieurs ont commis monsieur Amerard pour achapter une couble [sic] de chemyse pour Ymbert Gueret gagiste de seant ». Le 2 janvier 1574, sera payé « 35 sous tournois pour payer 3 chemyses baillees a gagiste de seans… 7 livres tournois pour une robbe pour messire Ymbert achetée par monsieur Dumayne ». Le 5 janvier 1574, « monsieur Dumerlyer a presenté pour son vicaire au lieu de feu messire François Dyvoy puis nagueres deceddé, Ymbert Gueret du diocese de Chartres ». Il est renvoyé à Mareschal. Le 9 janvier 1574, Philippe Mareschal présente son rapport sur Ymbert Gueret. Il a « oy enquis et interrogé ledit Gueret [en présence de Jehan Regnault] lequel il a trouvé capable et suffisant pour tenir… tant en voye, lecture, champ et deschamp ». Ymbert Gueret est reçu vicaire et prête serment. Le 2 mars 1574, [rayé : « sur la requeste de Ymbert Gueret quil pleust a messieurs luy faire advancer quelque somme pour sa nourriture actendu ce quil a cydevant receu il l’a employé en habitz pour sa commodité ; sera advancé a celluy qui tiendra en pension ledit Ymbert 10 livres tournois de moys en moys jusques ad ce que aultrement en soyt ordonné »]. Le 13 mars 1574, sera donné « a Ymbert Gueret pour son entretien et nourriture 7 livres 10 sous sur le gaigne du quartier avenir laquelle somme le receveur mettra es mains de maistre Pierre de La Pierre ». Le 1er mai 1574, « Ymbert Gueret vicaire de seans a dict et remonstré a messieurs que cy devant il avoyt receu de Françoys Dumayne leur receveur la somme de 24 livres tournois sur ce qui luy [restoyt] deub par cy apres a cause de son gagne et pour ce quil double [ ?] que ledit receveur luy rabapte ladite somme entierement sur le premier quartier quil a a recepvoir ; que par ce moyen luy seront hosté le moyen de vivre veu la cherté du temps ; a ceste cause a ledit Gueret supplyé et requis tres humblement messieurs luy donner et accorder terme de payer ladite somme de 24 livres quoy que ou soyt luy acorder que ladite somme luy soyt rabbaptue par le menu sur plusieurs quartyers de sondit gangne affin quil ayt moyen de vivre. Messieurs considerant la pauvreté dudit Gueret ordonnent que ladite somme sera desduicte audit de Gueret sur son gaigne par les 4 quartiers de l’année » (Pilleboue PCR d’après F-AD 18, 8G 1537).
Le 3 août 1574, Ymbert Gueret, vicaire demande à messieurs « luy proroger le terme de leur payer » ; réponse négative. Le 14 août 1574, « est venu en chapitre messire Ymbert Gueret vicaire de seans lequel a dict et exposé que deux jours sont quil fut pryé par Jehan Tailhon aussi vicaire d’aller coucher avec luy en la marrellerye de seans ce que pour luy faire plaisir luy avoit eccordé et que le jour d’hier enthour lheure de neuf heures du soir estant couché nu et sans chemise dans le lict ou a coustume coucher ledit Tailhon, survinct deux hommes de l’eglise de seans a luy incongnuz par ce quil estoit nuyt, lesquelz boterent a la porte de ladite marilherye deux petitz coups seullement la porte de laquelle marrilherye incontinent quils firent entrer se meyrent apres luy avec grandes poignées et verges, de fasson et manniere quil en a tout le corps meurtry et n’y a bourreau qui en eust tant voullu bailher a larron quil en avoyt et ne sachant la cause pour quoy ; partant a supplyé et requis messieurs luy faire admi[ni]strer justice ladite exposition et requeste myse en deliberation, messieurs ont renvoyé et renvoye le present delict a monsieur l’official de la thesaurerie de ceans et au promoteur des causes d’office pour en faire raison et justice ». Le 7 septembre 1574, requeste escripte de Jehan Thaillon, vicaire tendant ad ce que le chappitre ayt a luy declarer si icelluy est sa partye pour raison d’aulcunes pretendues charges et accusations contre luy faictes par Ymbert Gueret aussi vicaire de seans et si ledit chapitre a donné charge ou non a l’ung de messieurs de se rendre partye et faire les fraiz et despens dicelluy contre luy ou non pour ce faict se proveoir ainsi que de raison ; et semblablement pour se purger desdits cas requerant quil ne soyt mené en aultres prisons que celle de ceans offrant si representer toutesfoys et quante que par temps en sera ordonné. Sur ce messieurs ont dict quilz ne sont aulcunement partye dudit Thailhon quilz ne veullent ny n’entendent que les fraiz que l’on faict a la poursuyte de ladite accusation soyt faicte aux despens dudit chapitre ains aux despens dudit Gueret sy bon luy semble. Quilz entendent quil soyt mys en prisons de ceant et quilz ont seullement chargé monsieur Chevrier de solliciter les officyers de la thesaurerie de ceans de faire garder le droict a qui il appartient ». Le 14 septembre 1574, messieurs ont « ordonné que Ymbert Gueret aura une queue de demy vin et Jehan Thailhon une queur de vin pour et ce d’aultant que les dessusdits n’ont aultre chose gangné dudit vin pour ce que atard ils ont estez receuz en la place de vicaire ». Le 9 novembre 1574, Ymbert Gueret et Blaise Bonneau reçoivent leurs distributions de blé. Le 23 novembre 1574, « messire Ymbert Gueret vicaire a suyvant ce quil estoit tenu par son acte de reception faict foy et apparoir d’ung acte d’attestation de son ingenuyté passé pardevers Pasquet Lenteraulx tabelhyon juré en la chastellenye de Auteray le 24 octobre 1574 signé dudit Lenteraulx et sellé en placard ; et aussi de sa lettre de thonsure expedyée par monsieur l’evesque de Chartres en dacte du samedy vigile de pasques 28 mars 1561 ». Le 27 novembre 1574, messieurs ont « ordonné que le receveur ne payera a Ymbert Gueret le bled qui luy sera deub pour la seconde distribution ny les sommes de deniers qui luy seront aussi deubz a l’advenir pour le gaingne quil pourra faire en la Sainte-Chapelle a cause de sa viccairye en icelle jusques ad ce que ledit Gueret soyt gary de la malladye de laquelle il est a present detenu ». Le 1er décembre 1574, messieurs ont « ordonné que le receveur payera a Ursin Reuilly maistre barbier et cirurgien la somme de 6 ecus d’or sol sur et tant moings de ce qui luy a esté promis pour la garison de Ymbert Gueret et laquelle somme et aultres qui sont et seront deub audit de Gueret, ledit receveur retiendra par semaines jusques au remboursement de la somme quil couste a guarir ». Le 22 décembre 1574, sony donnés « 69 sous tournois à Ymbert Gueret ». Le 22 décembre 1574, Ymbert Gueret doit 34 livres tournois par 100 sous par quartier. On doit au barbier 10 livres tournois. Le 11 juin 1575, « monsieur Dumerlyer a presenté comme vicaire au lieu de messire Ymbert Gueret demissionnaire messire Regné Jallous ». Le 11 septembre 1576, « monsieur Demerlier presente a la place de vicaire de messire [rayé : Ymbert Gueret] Regné Jallou vaccant par sa demission messire Michel Lemyr ». Il est renvoyé à Chevrier (Pilleboue PCR d’après F-AD 18, 8G 1538, 8G 1539).