—, Andrieu (…-…). Musician

Gedenkbuch des Metzer bürgers Philippe von Vigneulles aus den jahren 1471-1522
Par Philippe de Vigneulles
p. 371

En celle année mil v.c et xix en la vigille de st Thomas l'apoustre, devant Noé fut par l'ordonnance de justice déterré boutté hors de terre le corps d'ung jonne clerc, leqel deux ans devantu en l'an v.c et xvij environ le jour st Luc xviij jour d'octoubre, comme ci-devant est récité, on avoit trowé pendu à ung monciaulx de boix en la grainge maistre Andrieu, maistre des enfans de cuer de la grande église de Mets; par quoy le dit jonne clerc eaigié environ de xiiij ans fut trayné devant les ponts et enterré dessouhz les rues en terre profane, là ou se fait la commune justice. Mais en ceste dite année v.c et xix fut cogneu et confessé en l'ostel du doien par celle inhumaigne et cruelle femme, qui se pendist en celle meisme année, qu'elle l'avoit tué et puis l'avoit pendu au dit laignier en la grainge; par quoy les amis du dit jonne clerc demourant à Gouxe vindrent quèrir le corps du dit leur parent et l'emmenèrent à Gouxe et là fut enterré en terre saincte et son service fait et fut ce fait à jour de st Thomas et l'an dessus dit.