Marault, Pierre (…-Apr. 1535). Musician

Dans le prologue du quart livre de François Rabelais, on peut lire : « Neuf Olympiades et un an intercalare après…, je ouy Adrian Villart, Gombert, Janequin, Arcadelt, Claudin, Certon, Manchicourt, Auxerre, Villiers, Sandrin, Sohier, Hesdin, Morales, Passereau, Maille, Maillart, Jacotin, Heurteur, Verdelot, Bouteiller, Lupi, Pagnier, Millet, du Mollin, Alaire, Marault, Morpain, Gendre et aultres joyeulx musiciens en un jardin secret, soubz belle feuillade, autour d’un rampart de flaccions, jambons, pastez et diverses cailles coyphées, mignonnement chantans… (Rabelais Pantagruel, prologue). On y trouve trois musiciens qui sont passés par la Sainte-Chapelle de Bourges, [Le] Bouteiller, Passereau et éventuellement [Pierre ] Marault. Frank Dobbins dans (Dobbins 2009, p. 234 n24) écrit au sujet de Marault : « He may be Pierre Marault, an obscure choir master at the Sainte-Chapelle in Bourges in 1528. Or could this name refer to the poet Clément Marot ? »
• Sainte-Chapelle de Bourges, 1528-1535. Le 1er février 1528, messieurs, « hormis messieurs Bochetel et Basiron absents hors dudit chappitre, pour lors, ont aujourd’huy audit chappitre ordonné qu’il sera prins une complaincte au nom dudit chappitre a l’encontre dudit Bochetel soy disant vicaire de monsieur le tresorier pour raison de ce qu’il a baillé les draps de l’eglise a Corneille Zelande at a d’autres enffans sortis des aulbes. Aussi de ce quil a receu maistre Pierre Marault chappelain sans luy faire faire le serment en chapitre en tel cas requis et acoustumé. Et pour autres cas nouveaulx par luy faiz ». Le 21 novembre 1528, « oye la remonstrance faicte en chappitre touchant de pourveoir ung maistre des enffans de cueur de l’eglise et sur ce oppiné par antiquité messieurs ont ordonné et esleu maistre desdits enffans de cueur maistre Pierre Marault, vicaire de l’eglise de ceans et ordonné quil viendra faire le serment en tel cas acoustumé ». Le 1er décembre 1528, messieurs « ont ordonné estre baillé par leur receveur general a maistre Pierre Marault maistre des enffans de cueur sur ses gaiges avenir de ladite maistrise la somme de 15 ou 16 livres tournois pour faire ses provisions en prenant de luy quictance ».
Le 5 février 1529, « oye la remonstrance faicte par le maistre des enffans de cueur de l’eglise touchant le puys qui est en la court du cloistre qui est trop bas et aussi les immondicités qui sont en ladite court messieurs apres avoir oy ladite remonstrance ont ordonné que tous ceulx qui ont des ymondicités danvant leurs huys respandans en ladite court les feront oster. Et quant audit puys ont commis et ordonné pour le aller revisiter monsieur le chantre ». Le 17 avril 1529, « oye la remonstrance faicte touchant le rolle que messieurs ont de coustume donner au maistre des enffans de l’eglise estimée a 6 livres tournois, messieurs ont ordonné parce que maistre Gaspard Verier nagueres maistre des enffans a esté maistre desdits enffans demy an en l’année que lesdits 6 livres tournois se partiroient par moitié entre ledit Verier et maistre Pierre Marault a present maistre desdits enffans ». Le 31 mai 1529, « touchant le proces intenté contre feu monsieur Bochetel pour raison du serment que n’a fait maistre Pierre Marault a sa reception de chappelain en l’eglise, messieurs ont ordonné quil sera prins comparuit contre ledit deffunct ». Le 28 août 1529, messieurs « ont commis et ordonné pour veoir les parties du maistre des enffans de cueur de l’eglise et pour accorder avec luy de la norriture de deux enffans quil a norry messieurs le chantre et Barbarin. Le 7 septembre 1529, messieurs « ont ordonné estre paié par leur receveur general a maistre Pierre Marault maistre des enffans de cueur de l’eglise la somme de 9 livres 2 sous et ung setier froment pour certaines parties quil a faictes pour l’eglise tant pour les enffans de cueur que de nourriture quil a faicte d’aucuns desdits enffans ». Le 2 octobre 1529, « sur la requeste de maistre Pierre Marault par laquelle il demande quelque argent pour la nourriture des enffans messieurs ont ordonné que messieurs le chantre et Barbarin verront ses parties pour savoir ce qui luy est deu ».
Le 2 octobre 1529, messieurs « consideré les fortunes de maladie qui sont advenues aux enffans de cueur de l’eglise pour le mauvais traictement que leur a fait maistre Pierre Marault maistre des enffans par eulx commis et autres causes ad ce les mouvans, l’ont destitué de ladite maistrise et ordonné qu’il ne s’en meslera plus et que l’on fera venir lesdits enffans en la maison ou se soulast tenir feu monsieur Basiron et ont fait venir audit chappitre maistre Josse Rapailhot auquel ilz ont demandé s’il vouloit prandre la charge de gouverner lesdits enffans jusques ad ce quilz en eussent autrement proveu. Lequel leur a fait response que estoit prest de leur faire service et tant ce qui leur plaira. Messieurs luy ont baillé la garde desdits enffans tant qui leur plaira et jusques ad ce quilz aient trouvé quelque homme de bien scavent et expert ainsi que est requis pour estre maistre desdits enffans a la pencion acoustumée ». Le 23 octobre 1529, « touchant le maistre des enffans de cueur de l’eglise et veu le registre fait en chapitre du mardi 5° de ce present moys messieurs ont ordonné pour dire a maistre Pierre Marault maistre des enffans quil n’aye plus a se entremectre de la maistrize et gouvernement desdits enffans monsieur Alabat ». Le 26 octobre 1529, « oye la requeste faicte par maistre Pierre Marault maistre des enffans de cueur de l’eglise sur le gouvernement desdists enffans messieurs ont dit audit Marault present audit chappitre, il se desparte de ladite maistrize. Et quant a ses parties ont commis messieurs le chantre, Barbarin et Buxerecte ». Le 6 novembre 1529, « touchant les parties baillées par maistre Pierre Marault naguerres maistre des enffans de cueur de l’eglise et oy le rapport de messieurs le chantre et Barbarin, messieurs ont ordonné quil en rend par ledit Marault les vielhz habillemens quil a des enffans et ceux de enffans qui sont mors on aura tel esgart a ces parties que de raison ». Le 13 novembre 1529, messieurs « ont commis et ordonné pour voir et calculer les parties de maistre Pierre Marault naguerres maistre des enffans… monsieur le chantre ». Le 16 novembre 1529, messieurs « ont ordonné estre paié a maistre Pierre Marault naguerres maistre des enffans… la somme de 14 livres 17 sous pour toutes les parties quil [a] faictes et paiées pour lesdits enffans tant en leur maladie que autrement comme il est a plain declaré par icelles » (Pilleboue PCR et Pilleboue 1990 p. 217, 236 d’après F-AD 18, 8G 1514, f. 145, 147v, 175, 213, 215, 221 et autres).
Le 24 décembre 1529, la maison que tient Jehan Rafin pelletier est convoitée par Rafin, messieurs Jehan de Bailleul et Pierre Marault chappelain de l’eglise. On sursoit jusqu’au prochain chappitre general. Le 29 janvier 1530, Pierre Marault demande la maison de feu Guillaume Musnier. Le 30 avril 1530, Pierre Marault demande la maison de feu Martin Testard. Il lui est répondu positivement pour 10 livres tournois. Le 26 septembre 1531, Jehan de La Bertauche et Pierre Marault demandent leurs distributions pour le temps quilz ont esté prisonniers et davantage ledit de La Bertauche pour avoir esté faire leurdits partages a Sancerre. On verra à la Toussaint. Le 20 août 1532, Pierre Marault aura ses distributions pour le temps qu’il a esté a sa cure. Le 20 juin 1533, « oye la remonstrance faite touchant ung musicien bassecontre estant de present en la ville de Clermont en Auvergne messieurs ont ordonné que maistre Pierre Marault ou autre de l’eglise tel qu’ilz verront et leur plaira yront audit Clermont veoir si ledit bassecontre pourra servir et estre capable pour l’eglise de ceans ». Le 30 septembre 1534, Jehan Noel et Pierre Pastoris sont morts. Leurs maisons sont convoitées par messires Pierre Breul bassecontre, Loys Rousier, Pierre Marault, Jehan Le Conte, Denis Rolin, Pierre Bataille. Le 10 octobre 1534, « Pierre Resmon vicaire a quité messieurs de la maison quil tient du chapitre assise devant le fourt de chappitre. Cette maison est ascensée à Pierre Marault.
Le 6 avril 1535, Pierre Bataille demande la maison de feu maistre Pierre Marault (Pilleboue PCR d’après F-AD 18, 8G 1514-1516).