Dufrayne, Jacques (…-…). Musician; Singer

Sainte-Chapelle de Bourges, 1532-1533. Le 3 août 1532, « audit chappitre apres ce que ledit Alabat a dit et exposé a messieurs quil estoit adverty que les aucuns de messieurs vouloient donner les gages de ladite eglise a messire Jaques Dufrayne et que actendu que ladite eglise est bien chargée et qu’il y avoit beaucoup d’affaires pour le present en icelle, et aussi qu’il se vouloit absenter de la ville pour le dangier de la peste qui y est, a ceste cause et pour autres causes ad ce le mouvant s’est ledit Alabat opposé et oppose tant pour luy que pour ses adherans ad ce que ledit Dufrayne aye aucun gages de ladite eglise ; et ce fait ont messieurs oppiné sur ce quoy a la pluralité des voix a esté conclud que ledit Dufrayne n’aura aucun gaiges pour le present ». Le 27 mai 1533, « oye la requeste dun jeune musicien nommé Jaques [Dufrayne] par laquelle il supplie messieurs luy donner quelques gaiges pour servir en l’eglise, messieurs, actendu l’examen qui par cy davant a esté faict de sa personne, considéré aussi que l’eglise est fort chargée pour le present ont ordonné qui ne luy sera baillé aucuns gages ». Le 10 juin 1533, « oye la requeste dun jeune musicien [jacques Dufrayne ?] par laquelle il supplie messieurs luy donner les draps de l’eglise pour se proveoir aux ordres, actendu que autrefoys il a esté enffant de cueur de l’eglise, messieurs ont ordonné que pour la consequence qui s’en pourroit ensuivre, ne luy bailleront lesdits draps » (Pilleboue PCR d’après F-AD 18, 8G 1515, f. 202 et autres).