Ponchet, Jean (…-…). Musician

Jean Ponchet maître des enfants de la Sainte-Chapelle de Bourges est un des successeurs de Jean Bastard dans cette charge dont l’histoire du remplacement est décrite en détail dans la thèse de Frédérique Pilleboue (Pilleboue 1990, p. 225, 228-230, 237, 240, 304, 308, 422).
• Collégiale Saint-Aignan d’Orleans, 1553. Les registres de la Sainte-Chapelle de Bourges (voir ci-après) indiquent que Jehan Ponchet était en 1533 maître des enfants d’Orléans. Il est en fait maître des enfants de la collégiale Saint-Aignan (Britta, Turellier & Vendrix 2009, p. 131 et Lesure 1999, p. 243).
• Sainte-Chapelle de Bourges, 1553-1555. Jehan Ponchet est amené à Bourges par François Bernard. Le processus de sa réception est décrit dans les registres de la Sainte-Chapelle à la date du 25 novembre 1553.
Le 14 novembre 1553, messieurs ont « ordonné que messire François Bernard se transportera a Orleans pour trouver un maistre pour les enffans de cueur de ceans et l’amener pardeça ». Le 25 novembre 1553, « messire François Bernard chapelin [sic] de l’eglise a rapporté a messieurs que suyvant l’ordonnance de chapitre il avoit esté a Orleans pour trouver un maistre pour les enffans de cueur et avoit amené maistre Jehan Ponchet qui estoit homme capable pour deservir a la maistrise desdits enffans homme de bonne vie et de bonne meurs comme il avoit esté certiffié. Et prenant deliberation par messieurs sur ce ont esté desadvis chascun en leur ren [sic] c’estassavoir lesdits Gaillard, de Fougieres et Chevallyer que ledit Ponchet seroit receu a gaiges pour ladite maistrise et jusques ad ce quil soit receu en l’office de chappellain en ladite eglise.
Monsieur Vialard a esté dadvis de actendre jusques a lundy ou a mardy pour en ordonner et parce qu’il y a plusieurs de messieurs absens ont commandé a moy leur greffier aller vers monsieur le chantre auquel ay declaré ce que dessus qui a fait responce quil ne cognoist ledit Ponchet et ne l’avoit jamais oy chanter ; par quoy n’en pourroit bailler oppynyon certaine ; et s’il plait a messieurs remectre le negoce jusques a lundi ou mardi il yra a l’eglise et le verra chanter. Et n’est dadvis quon differast plus a pourveoir ladite maistrise pour maistre Pierre La Pierre ; ne que ledit de La Pierre en soit jamais pourveu d’aultant qu’il n’a tenu sa promesse. Me suys aussi transporté en l’hostel de monsieur Crenequin lequel m’a esté certiffié n’estre en ceste ville. En l’hostel de monsieur Berthelot ma fait responce ledit Berthelot quil est dadvis d’actendre qu’on eust nouvelle dudict de La Pierre. Et retourné en chapitre apres avoir oy l’advis desdits chantre et berthelot, monsieur de beauregard a esté d’advis de recepvoir ledit Ponchet a ladite maistrise et charge desdits enffans. Et ont fait appeler audit chapitre ledit Ponchet auquel ilz ont donné ladite charge et maistrize desdits enffans aux gaiges de 80 livres tournois par an et de osn pain de chapitre jusques ad ce quil soit pourveu d’un office de chappelain en ladite sainte-chapelle et quil aura [la somme de six vingt livres tournois et deux muys de blé aussy par an] pour la nourriture desdits enffans plus autant que ont eu les aultres maistres qui ont esté cy d’avant, ce que ledit Ponchet a accepté et promis se rendre au service de l’eglise dedans 3 semaines ».
Le 25 novembre 1553, « A maistre Jehan Ponchet 3 escus pour sa despense d’estre venu d’Orleans pour la charge de la maistrise… » et « A messire François Bernard, 4 livres oultre la somme de 10 livres qui luy ont cy davant donné pour le voiage quil a faict a Orleans pour amener un maistre aus enffans de cueur » (Pilleboue PCR d’après F-AD 18, 8G 1521, f. 99-100 et autre).
Jean Ponchet, après son arrivée à Bourges, demande sa réception comme chapelain comme cela lui avait été promis et il se débat dans les problèmes budgétaires que ses prédécesseurs avaient déjà subi. Les distributions données par le chapitre ne semblent pas suffisantes pour entretenir lui-même et les enfants de chœur.
Le 5 décembre 1553, « sur la requeste faicte par maistre Mathurin Savereau qui prie messieurs avoir esgard a la pene quil a eue a gouverner les enffans de cueur par le temps de 14 moys et que l’annee passée il a forny de bois pour le chauffer desdits enffans et autres frais par luy faictz, ont remis pour en ordonner jusqu'à ce que le maistre d’Orleans soit venu ». Le 19 décembre 1553, « monsieur le chantre a refferé a messieurs quil et de Beauregard en la presence du greffier de chapitre avoit fait faire inventaire des meubles trouvez en la maison des enffans appartenans a l’eglise de ceans, lesquelz ils avoient dellaissez a maistre Jehan Ponchet a present maistre desdits enffans lequel ilz avoyent mis en possession de ladite maistrise ; [messieurs] ont ordonné que ledit inventaire sera enregistré en ce present livre ». Le 2 janvier 1554, « sur la requeste faicte par le maistre des enffans de cueur de l’eglise de le pourveoir d’un office de chappelain en l’eglise de ceans suyvant l’asseurance qui dict luy avoir esté faicte et quil plaise a messieurs luy faire advancer denyers sur ses gaiges pour subvenir a sse necessitez et norriture des enffans ont ordonné que on lui advancera par chacun moys sesdits gaiges et sur le reste de s arequeste remis jusques ad ce quilz soient en plus grand nombre de compaignye pour en ordonner ». Le 31 janvier 1554, veu la requeste faicte par le maistre des enffans de cueur, messieurs ont ordonné que les 20 livres qui luy ont esté delivrées par leur receveur general sera pour le mois de decembre dernier tant pour ses gaiges que norriture desdits enffans et le surplus luy ont donné avec les 4 boisseaux de blé ; et ordonné quil sera paié par leur receveur general la chacun moys a raison de 80 livres de gaiges et neuf vingt livres pour la nourriture desdits enffans de cueur ».
Le 6 février 1554, messieurs ont « ordonné que pour le messel noté que a apporté Courrat lui sera baillé 60 solz achapté [pour] servir au cueur et a esté dellaissé es mains du maistre des enffans de cueur présent [Ponchet] ».
Le 13 février 1554, « de Beauregard a dict a monsieur le tresorier que long temps l’office et place de chappellain que tenoit maistre Jehan Bastard et par la longue et continuelle absence dudit Bastard ou aultrement est vaccant. A ceste cause ayant droict de presenter audit office… a presenté a monsieur le tresorier messire Jehan Ponchet, pour estre par luy envoié a monsieur le chantre afin d’enquerir de la suffisance dudit Ponchet ; et apres l’instituer audit office ». Le 14 février 1554, le rapport du chantre sur Jehan Ponchet trouve « ledit Ponchet estre suffisant tant en musique que pour instruire les enffans, chose de present fort necessaire ». Il est institué : le trésorier le revêt « du surpeliz et chape telle que les chappelains de ladite eglise portent ». Il est affecté en chaise basse du couste droit « actendu quil n’est pas proveu aux sainctes ordres ». Le 10 mars 1554, maistre Jehan Ponchet maistre des enffans de cueur a promis et marchandé a messieurs de fornir les enffans de cueur de linge de table et pour leur cocher, blanchir ledit linge et les aulbes et chemises desdits enffans… le tout a ses despens et commancera a les fornir… au premier jour d’avril prochain… et pour ce faire messieurs luy ont promis et promectent paier chacun an la somme de 50 livres tournois… ».
Le 16 octobre 1554, « au maistre Jehan Ponchet maistre des enffans de cueur 6 livres pour aulcuns services quil a faicts a l’eglise » (Pilleboue PCR d’après F-AD 18, 8G 1521, f. 107, 129, 140 et autres, 8G 1522).
Devant les difficultés et les dernières requêtes non satisfaites Jean Ponchet quitte la maîtrise.
Le 26 octobre 1555, sur la « requeste de maistre Jehan Ponchet maistre des enffans de cueur, messieurs ont ordonné quilz ne luy presteront aulcun argent et ne luy feront augmentacion pour la nourriture desduts enffans ». Le 12 novembre 1555, « messieurs sur la requeste qui leur a esté faicte par maistre Jehan Ponchet maistre des enffans de cueur de l’eglise de luy bailler sa presence pour 13 jours quil a esté absent et d’avoir esgard a la perte quil dit avoir eue a la charge desdits enffans, ont ordonné que apres que messieurs de Fougieres et Du Maine auront verifié l’inventaire des meubles qui luy ont esté donnez et leur rapport oy de ce quils trouveront en la maison sera ordonné sur ladite requeste. Et que le livre de musicque que a presenté ledit Ponchet a messieurs sera achapté pour servir l’eglise ».
« Messieurs ont donné la charge de leurs enffans a messire Anthoine Montsayon gaigier de l’eglise jusques ad ce que aultrement y auront pourveu actendu que ledit Ponchet a prins congé d’eulx ». Le 13 novembre 1555, messieurs ont ordonné que leur receveur baillera la somme de 30 livres a maistre Jehan Ponchet nagueres maistre des enffans de cueur scavoir est 15 livres pour le linge qui luy appartient quil a dellaissé a messieurs, 100 sous tournois pour ung livre de musicque, 6 livres qui luy sont deubz pour la forniture du linge et chausseure des enffans pour le temps de 6 semaines en delaissant lesdites chausseures et 4 livres pour les services quil a faictz audits enffans. Et oultre ladite somme luy ont donné son gaigne pour 13 jours quil a esté absent » (Pilleboue PCR d’après F-AD 18, 8G 1523, f. 84v, 90v, 92 et autres).
• Cathédrale Saint-Etienne de Bourges, 1555-1564 ???. François Lesure écrit que Jean Pouchet était maître de chapelle de la cathédrale Saint-Etienne en 1564. Si Pouchet et Ponchet sont bien le même personnage et si la date pour la cathédrale de Bourges est bonne, il aurait pu passer directement de la Sainte-Chapelle à la cathédrale de Bourges et y rester jusqu’à son départ pour Toulouse (Lesure 1999, p. 111).
• Cathédrale Saint-Etienne de Toulouse, 1564. Le 9 novembre 1564, Jehan Ponchet devient maître de musique de la cathédrale de Toulouse (Britta, Turellier & Vendrix 2009, p. 131 et Lesure 1999, p. 297 d’après F-AD 31, 498, f. 229v).