Trote, Étienne (…-…). Musician; Singer

Sainte-Chapelle de Bourges, 1551-1558. Le 5 décembre 1551, « messieurs ont receu enffant de cueur de l’eglise de ceans Estienne Trote fils de maistre Mathieu Trote advocat a Herisson et de Gerffrete Jodyo apres ce quilz ont esté certiffiez quil est nay en loyal mariage par Philippes Blanchou de ladite paroisse de Maillay, Pierre Regoin de la paroisse de Vyenot et Gabriel Meunyo de la paroisse du Breton presens qui ont dit congnoistre les pere et mere dudit Estienne ; et les avoir toujours veu bien et honestement vivre et gouverner ; et ont messieurs ordonné que les aulbes luy seront baillees a la charge toutesfois que ou il se trouvera dedans ung an quil ne pouvoit servir a l’eglise le rendre a sondit pere ». Le 5 mai 1554, « messieurs apres avoir entendu par leur maistre des enffans de cœur [Jean Ponchet ?] que André Vergier, Estienne de Herisson et Moucquet enffans de cueur n’ont voix pour servir a l’eglise ont ordonné que en leur lieu en sera mis d’aultres et quilz seront rendus a leurs peres apres que messieurs en seront pourveu ».
Le 6 février 1557, « sur la remonstrance faicte par ledit maistre des enffans [Pierre de La Pierre] que Estienne de Herisson n’est pour servir a l’eglise [messieurs] ont ordonné quil sera mandé pour luy faire entendre affin de en ordonner par messieurs comme ilz verront estre a faire ». Le 20 mars 1557, messieurs ont « ordonné quil sera escript a la mere du petit enffant de cueur qui est d’Herisson quelle l’envoye querir dedans ung mois parce quil ne peult servir a l’eglise. Autrement luy sera renvoyé ». Le 16 août 1558, « sur la remonstrance faicte a messieurs par le maistre des enffans de cueur, [messieurs] ont ordonné que Estienne enffant de cueur sera renvoié a sa mere et mené au lieu de sa demeurance actendu qu’il n’est pour servir l’eglise ; et qu’il sera escript a sadite mere le mectre en mestier ; et qu’ilz paieront sa pension jusques a la somme de 40 livres ; et sera habillé ainsi que monsieur de Fougieres vera estre a faire dequel pour ce faire ilz ont commis ». Le 13 septembre 1558, « messieurs ont ordonné que la somme de 40 livres qu’ilz ont accordé bailler a Estienne Trotet naguerres enffant de cueur de l’eglise sera delivré a Jehan Jodyou [Jodyo] bouchier demourant a Herisson, son oncle pour le mectre a apprandre mestier et de faict a esté delivré autant par monsieur Crenequin de la bource de chapitre audit Jodyou present qui s’en est chargé et promet l’employer pour ledit Trotet a lui faire apprandre quelque mestier et ad ce s’est obligé et present messire Anthoine Montsayon vicaire et messire Anthoine Amyot chanoine de Moustier moien » (Pilleboue PCR d’après F-AD 18, 8G 1519, f. 89v, 8G 1522, f. 14v, 8G 1524, 8G 1526, f. 75 et autres).