Zelande, Corneille (…-…). Musician; Singer

Sainte-Chapelle de Bourges, 1527-1529. Le 7 juin 1527, « messieurs ont retenu ung jeune musicien nommé Corneille aux gaiges de 40 livres tournois et son pain de chapitre comme ung vicaire payables par leur receveur general es termes acoustumez parmi an tant quil plaira a messieurs ; et ont ordonné que leurdit receveur avancera audit Corneille 100 sous ou 6 livres pour luy avoir une robbe de laquelle somme il se ramboursera sur lesdites 40 livres tournois ; en oultre avancera audit Corneille toutes les sepmaines estant pour son vine ». Le 17 septembre 1527, « oye la requeste de Corneille Zelande gagier de l’eglise par laquelle il supplie et requiert messieurs luy croistre et augmenter ses gaiges qui sont de 40 livres tournois… disant qui ne se peult bonnement entretenir et vivre pour les dites 40 livres, messieurs en obtemperant a sa requeste et ad ce qui serve mieulx doresenavant en l’eglise luy ont augmenté sesdits gaiges de la somme de 10 livres tournois a commencer de la feste Saint-Michel prochain venant qui est en somme 50 livres tournois et son pain chacun an ; laquelle somme sera luy ordonnee par leur receveur general es termes acoustumez tant quil leur plaira ». Le 1er février 1528, « messieurs, hormis messieurs Bochetel et Basiron absents hors dudit chappitre, pour lors, ont aujourd’huy audit chappitre ordonné qu’il sera prins une complaincte au nom dudit chappitre a l’encontre dudit Bochetel soy disant vicaire de monsieur le tresorier pour raison de ce qu’il a baillé les draps de l’eglise a Corneille Zelande et a d’autres enffans sortis des aulbes. Aussi de ce quil a receu maistre Pierre Marault chappelain sans luy faire faire le serment en chapitre en tel cas requis et acoustumé. Et pour autres cas nouveaulx par luy faiz ». Le 20 mars 1529, « oye la requeste de Corneille Zelande par laquelle il supplie messieurs le remectre et retenir a leur service comme gaigier et que doresenavant il est deliberé ne les laisser jamais veu le bon vouloir quil dit avoir de servir Dieu et l’eglise, l’ont retenu et receu aux gaiges de 40 livres tournois et son pain de chapitre ; et luy ont mys audit chapitre par monsieur le chantre le surpelis comme gaigier en ladite eglise ; et ordonné que de sesdits gaiges il soit payé par leur receveur toutes les septimaines ». Le 2 octobre 1529, « Corneille Zelande gaigier de l’eglise… supplie messieurs luy augmenter ses gaiges ou luy donner quelque chose pour avoir des habillemens. Messieurs ont ordonné qui luy sera baillé argent pour luy avoir ung porpoinct et une paire de chausses (Pilleboue PCR d’après F-AD 18, 8G 1514, f. 35v, 55v, 170v, 213).