La Roche (de), François (…-…)

François de La Roche est procureur de la Sainte-Chapelle auprès du Parlement de Paris.
• Sainte-Chapelle de Bourges, 1561-1573. Le 6 avril 1560, « monsieur de Fougieres a rendu son compte a messieurs des deniers qu’il a receuz de chapitre des et depuis le 26 mai 1559… et est ledit sieur de Fogieres demeuré redevable de la somme de 100 livres quil dict avoir payée a maistre François de La Roche procureur a Paris… ». Le 15 novembre 1561, « messieurs ont passé procuration a messire François de La Roche pour former opposition pour messieurs en la court du Parlement a Paris et ailleurs que besoing sera a la publication de l’edict par le Roy au mois de janvier dernier tenant les estats en la ville d’Orléans pour le regard de ce qui concerne les privileges et exemptions de messieurs comme de nouvel venu a leur cognoissance en adherant a l’opposition generalle formée par le clergé… ; et pour avoir declaration du Roy pour lesdits exemptions et previlleiges ont prié messieurs Crenequin et Gaillard pour en dresser lettres adressans a monseigneur de Laubespine ; et audit de La Roche leur procureur ». Le 6 décembre 1561, il « sera escript a monsieur de La Roche pour aller a la court par devers monsieur de l’Aubespine pour obtenir provision a cause de la reunyon du doumaine et bailler les lettres que messieurs luy en escripront ». Le 20 avril 1562, « sera escript a maistre François de La Roche procurer du chapitre a Paris et luy sera envoyé coppye de l’arrest donné entre monsieur le thesaurier contre les chappelains et vicaires pour s’en aider en la cause contre Michel Going ». Le 12 novembre 1562, « messieurs ont passé procuration a maistre François de La Roche pour s’opposer a la delivrance de la personne du seigneur Conte de Mongomery prisonnier ; et icelluy faire arrester a leur requeste pour les relicaires et autres joyaulx et meubles de l’eglise par luy prins et transportez… au moyen de volleryes, ruynes et demolitions commis en ladite Sainte-Chapelle edifices et membres d’icelle ». Le 5 octobre 1563, « messieurs ont commis leur soliciteur a Paris au lieu de feu maistre Viallart, maistre Jehan Amellot advocat audit Paris aux gages de 15 livres tournois par an actendu la certification qui leur en a esté faicte par lectres de monsieur Viallard, chanoine de ceans et monsieur de La Roche leur procureur ». Le 6 mars 1568, « messieurs ont ordonné quil sera payé a Macé Arrachepied vicaire de ceans la somme de 73 livres 10 sous tournois qui ont esté baillez des deniers dudit Arachepied a messire François de La Roche procureur de chapitre a Paris sur ses parties de la presente annee comme auroit mandé monsieur Vialar ». Le 5 septembre 1573, « messieurs ont commis pour veoir et arrester les parties de monsieur de La Roche leur procureur, celles de Blaise enffant de cueur, Dumaine, Le Roy et David » (Pilleboue PCR d’après F-AD 18, 8G 1527, 8G 1528, f. 90v-91, f. 96, 8G 1529, f. 36 et autre, 8G 1530, f. 60, 8G 1533, f. 13, 8G 1537).