Surname
Le Bègue
Given Name
Jean
Variant Name
Jehan
Lebègue
Role
Master of choirboys
Musician
Active period
1560 - 1565
Workplace
Bourges
Institution
Sainte-Chapelle de Bourges
Biography
Les première mentions de Jehan Lebègue, maître des enfants de chœur date du 22 avril 1561, mais on apprend le 5 juin 1563, qu’il a été reçu maître des enfants à noël 1560. Il reste à la maîtrise jusqu’au moins novembre 1565, sachant que le maître des enfants suivant identifié est Pierre de la Pierre en 1568.
• Sainte-Chapelle de Bourges, 1560-1565. Le 22 avril 1561, « apres lecture faicte des registres du chapitre precedant et que Crenequin… a derechef reprins l’advis de messieurs pour la reception de messire Pierre Fanchon… qui ont esté d’advis que messire François Bernard, chappelain et maistre Jehan Le Begue aussi chappelain et maistre des enffans de cueur de ladite Sainte-Chapelle feussent appellez pour entendre d’eulx sy ledit Fanchon estoit capable pour tenir ladite chappellenie ; et si depuis sa reception a vicaire sa voix chant en musicque et lecture estoient dymynuez et que icelx Bernard et Le Begue presens a ceste fin appellez ont rapporté par serment et certiffié que ledit Fanchon n’estoit depuis sa reception de vicaire en aucune chose diminué ains plutost augmenté ; ledit sieur Crenequin par l’advis de messieurs ha ordonné que ledit Fanchon sera receu au premier chapitre ». Le 31 mai 1561, messieurs « ont ordonné que leur receveur general prestera a maistre Jehan Lebegue, maistre des enffans de cueur de l’eglise la somme de 40 livres pour achapter du boys pour le chauffage desdits enffans de laquelle somme il passera obligacion et luy sera rabatue sur chacun quartier de sa chappellenie et maistrize desdits enffans la somme de 10 livres ; et sera commancé le rabapt au quartier de Saint-Michel prochain ». Le 26 août 1561, « messieurs ont octroyé a maistre Jehan Lebegue maistre des enffans de cueur de l’eglise pour huict jours pour aller aux champs pour aulcunes ses affaires ». Le 2 septembre 1561, messieurs « ont ordonné que le tresorier aura une distribution pour une prebende seullement de bled et vin ceste presente année et messires Pierre Fanchon, Jehan Lebegue et Anthoine Claré auront seulement demye distribution dudit ble et vin ». Le 27 août [sic septembre ?] 1561, messires Jehan Testard, Martin Le Rasle, Vincent Brunet, Silvain Gogne, Anthoine Rancon, Jehan Lebegue, Loys Rozier, Pierre Fanchon et Anthoyne Chevallier demandent à messieurs « leur donner leurs distributions pour aucuns jours quilz ont esté absents ». On attend de savoir combien de journées chacun s’est absenté. Le 18 novembre 1561, messieurs ont « ordonné sauf monsieur Gaillard sur la requeste faicte par messires Jehan Lebegue, Pierre Fauchon, Pierre Chevallier, Robert Ranard, Anthoine Claré, chapelains et vicaires de l’eglise, qui leur sera faict de grace distribution de blés pour moictié seullement actendu qu’il n’a esté faict autrement d’ancieneté. Ledit sieur Gaillard a esté d’advis qu’il soit fait distributions tant a messieurs que ausdits chapelains et vicaires au fur du temps qu’ilz ont servy » [Nota : on a fait une distribution de blé comme d’habitude ; les chapelains et vicaires n’ont droit qu’à la moitié de ce que reçoivent les chanoines et pas d’avoine car ils n’ont pas de chevaux]. Le 13 décembre 1561, « le receveur baillera 100 sous au maistre des enffans de cueur pour la recreation du jour des innocens ». Le 21 mars 1562, messieurs « ont octroyé a messires Jaques Rossilhon, au maistre des enffans [Jehan Le Begue], Rancon, Gogne, Le Rasle et Ranard leurs distributions pour troys jours quilz ont esté a Sainct Florent a la quarentaine du sieur dudit lieu par ordonnance de chapitre (Pilleboue PCR d’après F-AD 18, 8G 1528, f. 7, 22, 69, 76, 92, 101,142v et autre).
Le 19 septembre 1562, « messeurs ont commis monsieur le chantre pour compter avec le maistre des enffans de cueur de l’eglise de ce qui luy peut estre deub de ladite maistrise au jour des enffans quil a euz selon quil est contenu par sa reception a ladite maistrise ». Le 3 octobre 1562, « monsieur le chantre a rapporté a messieurs quil a calculé suyvant la charge quilz luy avoient donnée combien estoit deub au maistre des enffans maistre Jehan Lebegue pour la nourriture de partie d’iceulx depuys le 27° de may dernier passé jusques au premier jour du present moys d’octobre ; et trouvé que deduict ce quil a receu et ce quilz entendent rabatre pour troys desdits enffans qui ont esté absens une partie dudit temps, ne luy est deub de reste que 26 livres 13 sous 5 deniers… Toutesfoys, messieurs, en consideration de quelques frais extraordinaires que a faictz ledit maistre pour raison du trouble advenu au moyen des guerres, et afin de luy donner occasion de faire de bien en mieulx son debvoir, ont ordonné que leur receveur luy paiera au lieu de la susdite somme la somme de 36 livres tournois ; laquelle somme sera allouée en sondit compte pour la pention desdits enffans depuis le premier jour de juillet jusqu’au premier jour d’octobre de ceste presente année ». Le 1er décembre 1562, « le chantre a remonstré que le service de l’eglise n’estoit faict comme il doibt parce quil y a plusieurs des chappelains et vicaires de ladite eglise qui ne sont en leur ordre de prestre, diacre, soubzdiacres messires maistre Jehan Lebegue, Anthoine Montsayon, Anthoyne Claré chappelains lesquels doibvent estre prestres ; Robert Ranard, vicaire lequel doibt estre diacre. [Messieurs ont] ordonné que si au prochain ordre qui seront tenuz ilz ne se font pourvoit en lesdites ordres il empesche que par apres et jusques ad ce quilz y soient pourveuz ilz gangnent aulcune chose ; [il] enjoinct au distributeur Estienne Guyard de leur faire scavoir et a luy inhibé de les faire gangner de son auctorité sur peyne de sentence d’excommunication ». Le 5 janvier 1563, messieurs ont ordonné que le receveur paiera 100 sous au maistre des enffans pour le jour des innocens. [Ce même jour] « messieurs ont octroyé a Going, Rossillon, Le Rasle, Le Begue, Chevalier, Montsayon, Robin, Rebours, Monthovillier, Gogne, Jardrin, Rancon, Testard, Ranard et Dyvoy leurs distributions du present cartier et ordonné que ci apres ilz assisteront et feront mieulx leur debvoir de venir au service de l’eglise autrement ne leur sera leur absence octroyée. Synon es jours qu’ilz feront faction pour la garde de la ville dont ilz certiffieront messieurs ou aulcun d’eulx ou bien le distributeur le jour preceddant quilz feront ladite faction ». Le 23 mars 1563, « Dumaine a declaré quil avoit presenté a monsieur l’archevesque de Bourges maistres Anthoine Montsayon, Jehan Lebegue, Anthoine Claré chapelains, Richard Jardrin, Denis [sic] Ranard et André Bergier vicaires pour aller prendre les sainctes ordres a Chateauroux ou est le seigneur archevesque » (Pilleboue PCR d’après F-AD 18, 8G 1529, f. 21, f. 24v-25, f. 41-41v, f. 46v-47, f. 64bis).
Le 15 mai 1563, messieurs ont « ordonné que le receveur paiera au maistre des enffans de cueur, chappelains et vicaires de l’eglise le bled qui leur est deub en argent de la valeur ». Le 5 juin 1563, « sera veu le registre de reception de maistre Jehan Le Begue a la maistrisse des enffans de cueur pour veoir quelles clauses et conditions y sont apposées qui fut a noel 1560 ». Le 12 juin 1563, « messieurs ont ordonné que le maistre des enffans de cueur de l’eglise… les parties quil a faictes et les gens de guerre quil a euz en sa maison combien quil n’ayt eu le nombre des enffans de cueur porté sur son marché sera payé et pour ceste presente année de 2 muys de froment ; et par chacune des autres années advenus aura 4 setiers dudit bled pour chacun enffant ». Le 3 juillet 1563, « sur la requeste faicte par plusieurs chappelains et vicaires de l’eglise de leur donner leurs distributions pour quelques jours quilz ont esté absens, messieurs voyant quilz viennent en si grand nombre et que par ladite absence le service de l’eglise demeure et ne font leur debvoir ont ordonné quilz n’auront lesdites distributions ; et que le distributeur n’en exemptera les ungs [en marge : Mouton 15 jours, Le Rasle 12 jours, le Maistre [Lebegue ?] rien, Jardoin 8 jours, Rainaud 8 jours Gogne 15 jours] ». Le 24 juillet 1563, « messieurs ont receu enffant de cueur en l’eglise de ceans Joseph Rolin filz de Loys Rollin menuzier demourant a Vierzon, apres quilz ont estez certiffiez par messieurs Jehan Le Begue et Martin Le Rasle de ladite eglise de son ingenuité ; et laissé en la charge et garde dudit Le Begue maistre des enffans de cueur d’icelledite eglise ». Le 7 août 1563, « est enjoinct au maistre des enffans de ne retenir les chantres passans en sa maison oultre ung repas ». Le 14 août 1563, messieurs ont « ordonné quil sera donné a maistre Jehan Lebegue maistre des enffans de cueur de l’eglise 10 escuz sol ». Le 9 octobre 1563, « sera baillé par le receveur 30 sous tournois a [x] de Romorantin pour les frais de son voiage ayant amené son fils en ceste ville et presenté pour enffant de cueur a l’eglise de ceans, lequel est demouré avec le maistre des enffans de cueur pour avant que le recevoir congnoistre s’il est suffisant ». Le 12 octobre 1563, « messieurs ont ordonné que le maistre des enffans de cueur de l’eglise remercies a l’enfant de cueur de Romorantin ; et sera payé a Ranard pour les frais quil a faictz pour amener ledit enffant la somme de 60 sous tournois ; et luy ont octroyé ses distributions pour 4 jours qu’il est allé audit Romorantin ». Le 9 novembre 1563, « messieurs ont [passé marché] avec Annete Moyson, femme de Nicolas Bonnet pour fornir le linge pour le maistre des enffans de cueur de l’eglise ». Le 31 décembre 1563, messieurs ont « ordonné quil sera baillé au maistre des enffans de cueur la somme de cent sous pour la recreation du jour des Innocens ». Le 31 décembre 1563, « au maistre des enffans de cueur de l’eglise pour 2 jours quil est allé a sa vicairie a Dun le Roy ». Le 30 janvier 1564, « messieurs ont fait venir en chapitre maistre Jehan Le Begue maistre des enffans de cueur de l’eglise, auquel ils ont remonstré que par son marché luy est expressement deffendu ne tenir pensionnaires ne gens estranges en la maison de ladite maistrize ; a ceste cause luy ont commandé observer et garder le contenu de sonfit marché (Pilleboue PCR d’après F-AD 18, 8G 1530, f. 17v, 19, 29, 38v, 42, 44v, f. 61v-62, f. 62v, , f. 72-72v, f. 88v, 89, 96 et autre).
Le 4 juillet 1564, « messieurs estans advertiz que le maistre de leurs enffans de cueur tient en sa maison plusieurs personnaiges incongneuz et femmes supectes, au grand scandalle du peuple, ont ordonné quil sera signiffié audit maistre de leur ordonnance et commandement quil ait a mectre hors de sadite maison lesdits gens incongneuz et femmes suspectes ; et a l’advenir ne tenir plus en sadite maison telles personnes aultrement ilz y pourveoiront ». Le 4 juillet 1564, messieurs « ont ordonné que la porte de la maison dudit maistre des enffans et celle de la maison de Silvain Gogne qui sortent par derriere seront fermées ; et quilz ny sortiront plus. Semblablement [messieurs] ont ordonné que le receveur general baillera 100 sous au maistre des enffans de cueur pour la recreation de Saint Oulchard et oultre leur sera baille 12 grans pains de chappitre ». Le 16 août 1564, « messieurs ont ordonné que le receveur paiera au maistre des enffans de cueur la quantité de 4 setiers froment [pour chacun enffant] et 30 livres tournois en deniers pour chacun enffant de cueur ; et 30 livres tournois pour une foys par chacun an pour achapter du boys pour chauffer lesdits enffans ». Le 5 septembre 1564, « messieurs ayans veu le contract faict avec maistre Jehan Lebegue maistre des enffans de cueur ont ordonné que rabaptu 30 livres tournois pour les enffans absens en nombre de troiz montant la somme de 90 livres tournois et 4 setiers de bled pour chacun par an le surplus luy sera payé par le receveur qui est la somme de 210 livres et 16 septiers froment actendu quil n’a que 4 enffans ». Le 30 décembre 1564, messieurs ont « ordonné que le receveur delivrera au maistre des enffans de cueur de l’eglise la somme de 100 sous tournois pour la recreation du jour des ynnocents ». Le 9 janvier 1565, sera payé « 10 livres pour bailler au maistre des enffans de cueur pour le mescompte qu’il avoit fait de la nourriture desdits enffans » (Pilleboue PCR d’après F-AD 18, 8G 1531, f. 49v, 62v, 67v, 105, 116v et autre).
Le 30 juin 1565, « sera baillé au maistre des enffans de cueur la somme de 100 sous tournois pour la recreation de la Saint-Oulchard ». Le 14 août 1565, messieurs ont « commis messieurs Martin et Mothey pour visiter les reparations qui sont necessaires estre faictes en la maison du maistre des enffans de cueur ». Le 16 octobre 1565, « messieurs ont baillé par adcense a monsieur Mothey pour le temps quil sera chanoine de l’eglise present et acceptant la maison ou souloit demourer le maistre des enffans de cueur de l’eglise pour le pris quil donnoit de l’aultre maison quil tenoit et a mesmes charges et conditions ; laquelle aultre maison il a dellaissée pour ledit maistre ; et s’est desparti de l’adcense qui luy en avoit esté faicte et a promis icelle maison rendre en bonne reparation audit maistre ; et ont mesdits sieurs commis monsieur Vialard pour visiter ladite maison presentement adcensée audit sieur Mothey et y faire les reparations quil y convyent faire ». Le 20 novembre 1565, « messieurs ont commis messieurs Martin et Demerlier pour visiter la maison de maistre des enffans de cueur de l’eglise que monsieur Mothey a dellaissee » (Pilleboue PCR d’après F-AD 18, 8G 1532, f. 42v, f. 63v-64 et autres).
Jean Lebègue en 1574 n’est sans doute pas mort, puisque le mot feu est rayé et remplacé par la formule notoirement absent. Mais il a laissé des souvenirs dans les mémoires, même après son successeur Pierre de la Pierre.
Le 4 août 1573, « est venu en chapitre maistre Thoussainctz Rahel chapelain de seant qui a dict et remonstré a messieurs quil est deuement adverty que maistre Pierre de La Pierre maistre des enffans de cueur de seans avoyt quicté ladite maistrise pour s’en aller resider en sa cure de Saint-Hostrilhe, et pour ce quil avoyt fort bonne volonté faire service a Dieu et a l’eglise de seant et parvenir en ladite charge de maistre de laquelle il s’acquictera fidellement et bien. A ces causes a supplyé et requis messieurs luy baillher et accordder ladite maistrise pour la tenir et exercer comme la tenoyt maistre Jehan Le Begue, offrant en ce faisant y faire son debvoir et faire en sorte et maniere de donner contantement a mesdits sieurs. Icelle requeste mise en deliberation et auparavant que de rien ordonner sur icelle messieurs ont mandé querir messire Jaques Rossilhon et Jehan Regnault plus antians chappelains de seans pour savoir d’eulx la cappacité suffisance ou insuffisance dudit Raphael et s’il est propre pour tenir et exercer ladite maistrise ou non ; et estant audit chappitre ayant esté enquis sur ce que dessus ont dune mesme voye dict notiffié et atesté de verité quilz cognoissent ledit Rahel estre ung des plus suffisans homme pour tenir ladite maistrise que homme qui se puisse trouver ; et quant lesdits sieurs le recepvront a ladite maistrise ilz ne sauroient faire ung plus grand bien pour lesdits enffans et service de ladite eglise ; et apres ce messieurs a la plurallité des voyes ont conclud et ordonné que ledit Rahel sera et demourera receu pour maistre des enffans au lieu dudit de La Pierre ; et pour en passer contract selon et suyvant que celluy dudit Lebegue… et aussi pour avoir… sur ladite maistrise affin que ledit Raphael ne face en sa maison que chose digne d’ung bon maistre ». Le 9 janvier 1574, « monsieur Chevrier a presenté pour son chappelain messire Symon Guerin au lieu de [rayé : feu] messire Jehan Le Begue notoyrement absent » (Pilleboue PCR d’après F-AD 18, 8G 1537).
• Sainte-Chapelle de Bourges, 1560-1565. Le 22 avril 1561, « apres lecture faicte des registres du chapitre precedant et que Crenequin… a derechef reprins l’advis de messieurs pour la reception de messire Pierre Fanchon… qui ont esté d’advis que messire François Bernard, chappelain et maistre Jehan Le Begue aussi chappelain et maistre des enffans de cueur de ladite Sainte-Chapelle feussent appellez pour entendre d’eulx sy ledit Fanchon estoit capable pour tenir ladite chappellenie ; et si depuis sa reception a vicaire sa voix chant en musicque et lecture estoient dymynuez et que icelx Bernard et Le Begue presens a ceste fin appellez ont rapporté par serment et certiffié que ledit Fanchon n’estoit depuis sa reception de vicaire en aucune chose diminué ains plutost augmenté ; ledit sieur Crenequin par l’advis de messieurs ha ordonné que ledit Fanchon sera receu au premier chapitre ». Le 31 mai 1561, messieurs « ont ordonné que leur receveur general prestera a maistre Jehan Lebegue, maistre des enffans de cueur de l’eglise la somme de 40 livres pour achapter du boys pour le chauffage desdits enffans de laquelle somme il passera obligacion et luy sera rabatue sur chacun quartier de sa chappellenie et maistrize desdits enffans la somme de 10 livres ; et sera commancé le rabapt au quartier de Saint-Michel prochain ». Le 26 août 1561, « messieurs ont octroyé a maistre Jehan Lebegue maistre des enffans de cueur de l’eglise pour huict jours pour aller aux champs pour aulcunes ses affaires ». Le 2 septembre 1561, messieurs « ont ordonné que le tresorier aura une distribution pour une prebende seullement de bled et vin ceste presente année et messires Pierre Fanchon, Jehan Lebegue et Anthoine Claré auront seulement demye distribution dudit ble et vin ». Le 27 août [sic septembre ?] 1561, messires Jehan Testard, Martin Le Rasle, Vincent Brunet, Silvain Gogne, Anthoine Rancon, Jehan Lebegue, Loys Rozier, Pierre Fanchon et Anthoyne Chevallier demandent à messieurs « leur donner leurs distributions pour aucuns jours quilz ont esté absents ». On attend de savoir combien de journées chacun s’est absenté. Le 18 novembre 1561, messieurs ont « ordonné sauf monsieur Gaillard sur la requeste faicte par messires Jehan Lebegue, Pierre Fauchon, Pierre Chevallier, Robert Ranard, Anthoine Claré, chapelains et vicaires de l’eglise, qui leur sera faict de grace distribution de blés pour moictié seullement actendu qu’il n’a esté faict autrement d’ancieneté. Ledit sieur Gaillard a esté d’advis qu’il soit fait distributions tant a messieurs que ausdits chapelains et vicaires au fur du temps qu’ilz ont servy » [Nota : on a fait une distribution de blé comme d’habitude ; les chapelains et vicaires n’ont droit qu’à la moitié de ce que reçoivent les chanoines et pas d’avoine car ils n’ont pas de chevaux]. Le 13 décembre 1561, « le receveur baillera 100 sous au maistre des enffans de cueur pour la recreation du jour des innocens ». Le 21 mars 1562, messieurs « ont octroyé a messires Jaques Rossilhon, au maistre des enffans [Jehan Le Begue], Rancon, Gogne, Le Rasle et Ranard leurs distributions pour troys jours quilz ont esté a Sainct Florent a la quarentaine du sieur dudit lieu par ordonnance de chapitre (Pilleboue PCR d’après F-AD 18, 8G 1528, f. 7, 22, 69, 76, 92, 101,142v et autre).
Le 19 septembre 1562, « messeurs ont commis monsieur le chantre pour compter avec le maistre des enffans de cueur de l’eglise de ce qui luy peut estre deub de ladite maistrise au jour des enffans quil a euz selon quil est contenu par sa reception a ladite maistrise ». Le 3 octobre 1562, « monsieur le chantre a rapporté a messieurs quil a calculé suyvant la charge quilz luy avoient donnée combien estoit deub au maistre des enffans maistre Jehan Lebegue pour la nourriture de partie d’iceulx depuys le 27° de may dernier passé jusques au premier jour du present moys d’octobre ; et trouvé que deduict ce quil a receu et ce quilz entendent rabatre pour troys desdits enffans qui ont esté absens une partie dudit temps, ne luy est deub de reste que 26 livres 13 sous 5 deniers… Toutesfoys, messieurs, en consideration de quelques frais extraordinaires que a faictz ledit maistre pour raison du trouble advenu au moyen des guerres, et afin de luy donner occasion de faire de bien en mieulx son debvoir, ont ordonné que leur receveur luy paiera au lieu de la susdite somme la somme de 36 livres tournois ; laquelle somme sera allouée en sondit compte pour la pention desdits enffans depuis le premier jour de juillet jusqu’au premier jour d’octobre de ceste presente année ». Le 1er décembre 1562, « le chantre a remonstré que le service de l’eglise n’estoit faict comme il doibt parce quil y a plusieurs des chappelains et vicaires de ladite eglise qui ne sont en leur ordre de prestre, diacre, soubzdiacres messires maistre Jehan Lebegue, Anthoine Montsayon, Anthoyne Claré chappelains lesquels doibvent estre prestres ; Robert Ranard, vicaire lequel doibt estre diacre. [Messieurs ont] ordonné que si au prochain ordre qui seront tenuz ilz ne se font pourvoit en lesdites ordres il empesche que par apres et jusques ad ce quilz y soient pourveuz ilz gangnent aulcune chose ; [il] enjoinct au distributeur Estienne Guyard de leur faire scavoir et a luy inhibé de les faire gangner de son auctorité sur peyne de sentence d’excommunication ». Le 5 janvier 1563, messieurs ont ordonné que le receveur paiera 100 sous au maistre des enffans pour le jour des innocens. [Ce même jour] « messieurs ont octroyé a Going, Rossillon, Le Rasle, Le Begue, Chevalier, Montsayon, Robin, Rebours, Monthovillier, Gogne, Jardrin, Rancon, Testard, Ranard et Dyvoy leurs distributions du present cartier et ordonné que ci apres ilz assisteront et feront mieulx leur debvoir de venir au service de l’eglise autrement ne leur sera leur absence octroyée. Synon es jours qu’ilz feront faction pour la garde de la ville dont ilz certiffieront messieurs ou aulcun d’eulx ou bien le distributeur le jour preceddant quilz feront ladite faction ». Le 23 mars 1563, « Dumaine a declaré quil avoit presenté a monsieur l’archevesque de Bourges maistres Anthoine Montsayon, Jehan Lebegue, Anthoine Claré chapelains, Richard Jardrin, Denis [sic] Ranard et André Bergier vicaires pour aller prendre les sainctes ordres a Chateauroux ou est le seigneur archevesque » (Pilleboue PCR d’après F-AD 18, 8G 1529, f. 21, f. 24v-25, f. 41-41v, f. 46v-47, f. 64bis).
Le 15 mai 1563, messieurs ont « ordonné que le receveur paiera au maistre des enffans de cueur, chappelains et vicaires de l’eglise le bled qui leur est deub en argent de la valeur ». Le 5 juin 1563, « sera veu le registre de reception de maistre Jehan Le Begue a la maistrisse des enffans de cueur pour veoir quelles clauses et conditions y sont apposées qui fut a noel 1560 ». Le 12 juin 1563, « messieurs ont ordonné que le maistre des enffans de cueur de l’eglise… les parties quil a faictes et les gens de guerre quil a euz en sa maison combien quil n’ayt eu le nombre des enffans de cueur porté sur son marché sera payé et pour ceste presente année de 2 muys de froment ; et par chacune des autres années advenus aura 4 setiers dudit bled pour chacun enffant ». Le 3 juillet 1563, « sur la requeste faicte par plusieurs chappelains et vicaires de l’eglise de leur donner leurs distributions pour quelques jours quilz ont esté absens, messieurs voyant quilz viennent en si grand nombre et que par ladite absence le service de l’eglise demeure et ne font leur debvoir ont ordonné quilz n’auront lesdites distributions ; et que le distributeur n’en exemptera les ungs [en marge : Mouton 15 jours, Le Rasle 12 jours, le Maistre [Lebegue ?] rien, Jardoin 8 jours, Rainaud 8 jours Gogne 15 jours] ». Le 24 juillet 1563, « messieurs ont receu enffant de cueur en l’eglise de ceans Joseph Rolin filz de Loys Rollin menuzier demourant a Vierzon, apres quilz ont estez certiffiez par messieurs Jehan Le Begue et Martin Le Rasle de ladite eglise de son ingenuité ; et laissé en la charge et garde dudit Le Begue maistre des enffans de cueur d’icelledite eglise ». Le 7 août 1563, « est enjoinct au maistre des enffans de ne retenir les chantres passans en sa maison oultre ung repas ». Le 14 août 1563, messieurs ont « ordonné quil sera donné a maistre Jehan Lebegue maistre des enffans de cueur de l’eglise 10 escuz sol ». Le 9 octobre 1563, « sera baillé par le receveur 30 sous tournois a [x] de Romorantin pour les frais de son voiage ayant amené son fils en ceste ville et presenté pour enffant de cueur a l’eglise de ceans, lequel est demouré avec le maistre des enffans de cueur pour avant que le recevoir congnoistre s’il est suffisant ». Le 12 octobre 1563, « messieurs ont ordonné que le maistre des enffans de cueur de l’eglise remercies a l’enfant de cueur de Romorantin ; et sera payé a Ranard pour les frais quil a faictz pour amener ledit enffant la somme de 60 sous tournois ; et luy ont octroyé ses distributions pour 4 jours qu’il est allé audit Romorantin ». Le 9 novembre 1563, « messieurs ont [passé marché] avec Annete Moyson, femme de Nicolas Bonnet pour fornir le linge pour le maistre des enffans de cueur de l’eglise ». Le 31 décembre 1563, messieurs ont « ordonné quil sera baillé au maistre des enffans de cueur la somme de cent sous pour la recreation du jour des Innocens ». Le 31 décembre 1563, « au maistre des enffans de cueur de l’eglise pour 2 jours quil est allé a sa vicairie a Dun le Roy ». Le 30 janvier 1564, « messieurs ont fait venir en chapitre maistre Jehan Le Begue maistre des enffans de cueur de l’eglise, auquel ils ont remonstré que par son marché luy est expressement deffendu ne tenir pensionnaires ne gens estranges en la maison de ladite maistrize ; a ceste cause luy ont commandé observer et garder le contenu de sonfit marché (Pilleboue PCR d’après F-AD 18, 8G 1530, f. 17v, 19, 29, 38v, 42, 44v, f. 61v-62, f. 62v, , f. 72-72v, f. 88v, 89, 96 et autre).
Le 4 juillet 1564, « messieurs estans advertiz que le maistre de leurs enffans de cueur tient en sa maison plusieurs personnaiges incongneuz et femmes supectes, au grand scandalle du peuple, ont ordonné quil sera signiffié audit maistre de leur ordonnance et commandement quil ait a mectre hors de sadite maison lesdits gens incongneuz et femmes suspectes ; et a l’advenir ne tenir plus en sadite maison telles personnes aultrement ilz y pourveoiront ». Le 4 juillet 1564, messieurs « ont ordonné que la porte de la maison dudit maistre des enffans et celle de la maison de Silvain Gogne qui sortent par derriere seront fermées ; et quilz ny sortiront plus. Semblablement [messieurs] ont ordonné que le receveur general baillera 100 sous au maistre des enffans de cueur pour la recreation de Saint Oulchard et oultre leur sera baille 12 grans pains de chappitre ». Le 16 août 1564, « messieurs ont ordonné que le receveur paiera au maistre des enffans de cueur la quantité de 4 setiers froment [pour chacun enffant] et 30 livres tournois en deniers pour chacun enffant de cueur ; et 30 livres tournois pour une foys par chacun an pour achapter du boys pour chauffer lesdits enffans ». Le 5 septembre 1564, « messieurs ayans veu le contract faict avec maistre Jehan Lebegue maistre des enffans de cueur ont ordonné que rabaptu 30 livres tournois pour les enffans absens en nombre de troiz montant la somme de 90 livres tournois et 4 setiers de bled pour chacun par an le surplus luy sera payé par le receveur qui est la somme de 210 livres et 16 septiers froment actendu quil n’a que 4 enffans ». Le 30 décembre 1564, messieurs ont « ordonné que le receveur delivrera au maistre des enffans de cueur de l’eglise la somme de 100 sous tournois pour la recreation du jour des ynnocents ». Le 9 janvier 1565, sera payé « 10 livres pour bailler au maistre des enffans de cueur pour le mescompte qu’il avoit fait de la nourriture desdits enffans » (Pilleboue PCR d’après F-AD 18, 8G 1531, f. 49v, 62v, 67v, 105, 116v et autre).
Le 30 juin 1565, « sera baillé au maistre des enffans de cueur la somme de 100 sous tournois pour la recreation de la Saint-Oulchard ». Le 14 août 1565, messieurs ont « commis messieurs Martin et Mothey pour visiter les reparations qui sont necessaires estre faictes en la maison du maistre des enffans de cueur ». Le 16 octobre 1565, « messieurs ont baillé par adcense a monsieur Mothey pour le temps quil sera chanoine de l’eglise present et acceptant la maison ou souloit demourer le maistre des enffans de cueur de l’eglise pour le pris quil donnoit de l’aultre maison quil tenoit et a mesmes charges et conditions ; laquelle aultre maison il a dellaissée pour ledit maistre ; et s’est desparti de l’adcense qui luy en avoit esté faicte et a promis icelle maison rendre en bonne reparation audit maistre ; et ont mesdits sieurs commis monsieur Vialard pour visiter ladite maison presentement adcensée audit sieur Mothey et y faire les reparations quil y convyent faire ». Le 20 novembre 1565, « messieurs ont commis messieurs Martin et Demerlier pour visiter la maison de maistre des enffans de cueur de l’eglise que monsieur Mothey a dellaissee » (Pilleboue PCR d’après F-AD 18, 8G 1532, f. 42v, f. 63v-64 et autres).
Jean Lebègue en 1574 n’est sans doute pas mort, puisque le mot feu est rayé et remplacé par la formule notoirement absent. Mais il a laissé des souvenirs dans les mémoires, même après son successeur Pierre de la Pierre.
Le 4 août 1573, « est venu en chapitre maistre Thoussainctz Rahel chapelain de seant qui a dict et remonstré a messieurs quil est deuement adverty que maistre Pierre de La Pierre maistre des enffans de cueur de seans avoyt quicté ladite maistrise pour s’en aller resider en sa cure de Saint-Hostrilhe, et pour ce quil avoyt fort bonne volonté faire service a Dieu et a l’eglise de seant et parvenir en ladite charge de maistre de laquelle il s’acquictera fidellement et bien. A ces causes a supplyé et requis messieurs luy baillher et accordder ladite maistrise pour la tenir et exercer comme la tenoyt maistre Jehan Le Begue, offrant en ce faisant y faire son debvoir et faire en sorte et maniere de donner contantement a mesdits sieurs. Icelle requeste mise en deliberation et auparavant que de rien ordonner sur icelle messieurs ont mandé querir messire Jaques Rossilhon et Jehan Regnault plus antians chappelains de seans pour savoir d’eulx la cappacité suffisance ou insuffisance dudit Raphael et s’il est propre pour tenir et exercer ladite maistrise ou non ; et estant audit chappitre ayant esté enquis sur ce que dessus ont dune mesme voye dict notiffié et atesté de verité quilz cognoissent ledit Rahel estre ung des plus suffisans homme pour tenir ladite maistrise que homme qui se puisse trouver ; et quant lesdits sieurs le recepvront a ladite maistrise ilz ne sauroient faire ung plus grand bien pour lesdits enffans et service de ladite eglise ; et apres ce messieurs a la plurallité des voyes ont conclud et ordonné que ledit Rahel sera et demourera receu pour maistre des enffans au lieu dudit de La Pierre ; et pour en passer contract selon et suyvant que celluy dudit Lebegue… et aussi pour avoir… sur ladite maistrise affin que ledit Raphael ne face en sa maison que chose digne d’ung bon maistre ». Le 9 janvier 1574, « monsieur Chevrier a presenté pour son chappelain messire Symon Guerin au lieu de [rayé : feu] messire Jehan Le Begue notoyrement absent » (Pilleboue PCR d’après F-AD 18, 8G 1537).
Bibliography
Pilleboue PCR