Le Nain, Jean (…-…). Musician; Singer

Jean Le Nain est d'abord chantre gagiste basse contre, vicaire puis chapelain de la Sainte-Chapelle.
• Sainte-Chapelle de Bourges, 1558-1561. Le 16 août 1558, « messire Symon Gaillard chanoine a remonstré que Jehan Lenain [Le Nayn], basse contre prebstre natif de la paroisse de Saint-Martin de Boussenay diocese de Troye en Champagne s’est presenté au service de l’eglise de ceans ; et d’aultant que ayant assisté en ladite eglise pendant le divin service par plusieurs fois il a congneu que ledit Lenain est pour servir a ladite eglise et que l’office de vicaire que souloit tenir en icelle maistre Pierre Le Jeune a present chapelain d’icelle est vaccant estant a sa presentation a presenté a messire Laurens Dumaine vicaire du tresorier ledit Lenain a la place de vicaire que tenoit ledit Le Jeune ; messieurs ont commis Crenequin pour interroger ledit Lenain, qui sur le champ l’a trouvé capable. Il est institué vicaire. Il doit faire apparaître son ingenuité dedans un an ; et jusques ad ce qu’il en ait fait apparoir ne prendra aucune distribution ». Le 17 septembre 1558, « sur la requeste de messire Jehan Le Nayn, vicaire [messieurs] luy ont donné son gangne de sadite vicairie depuis le jour de sa reception reservé les festes annuelles, messes Nostre-Dame et obitz de feu monsieur le Duc. Messieurs ont ordonné que le receveur baillera audit Le Nayn la somme de 50 sous tournois pour aucuns services qu’il a faict pour l’eglise ». Le 11 février 1559, « messieurs sur la requeste de Jehan Lenain bassecontre lui faire distribution de blé de l’extraordinaire, ordonnent qui luy sera baillé 3 setiers mestou ». Le 23 septembre 1559, « messieurs ont octroié a messire Jehan Le Nayn vicaire ses distributions pour 24 jours quil a esté a son pais par congé de monsieur le vicaire du tresorier » (Pilleboue PCR d’après F-AD 18, 8G 1526, f. 71v et autres).
Le 19 décembre 1559, « monsieur Gaillard a presenté a monsieur Du Maine vicaire de monsieur le tresorier messire Jehan Le Nain a la place de chappelain que souloit tenir en l’eglise de ceans feu messire Simon Coutand auquel la presentation en appartient a cause de sa chanoinie et prebende lequel monsieure Dumaine a renvoié ledit Le Nain a monsieur Crenequin comme plus ancien chanoine de ceans actendu la vaccation de l’office de chantre pour estre examiné sur sa suffisance ou insuffisance pour son rapport y faire ce quil appartiendra ». Le 13 janvier 1560, « messire Jehan Lenain vicaire de l’eglise de ceans a presenté a messieurs la requeste dont la teneur suit : supplie humblement Jehan Le Nain disant que an et jour sont passez que a la presentation de monsieur Simon Gaillard chanoine en ladite eglise ledit Le Nain a esté presenté et receu et installé en l’office de vicaire, depuis vaccant l’office de chappelain la presentation dudit Gaillard par le deceps de feu Symon Coustant le suppliant a esté presenté a monsieur le thesaurier ou bien a monsieur Laurent Dumayne son vicaire qui a renvoié a monsieur messire Jehan Crenequin plus ancien chanoine en ladite eglise en absence du chantre pour certiffier la suffisance ou insuffisance capable pour obtenir madite chapellenie. Neaulmoings ledit Du Maine pour quelque malevelance par lui concerné sans cause contre ledit suppliant veult toutalement adherer a ceste cause messieurs il vous plaira selon droict et raison ordonner que ledit suppliant sera receu et institué soubz l’auctorité de chappitre pour l’absence de monsieur le tresorier. Sur quoy messieurs apres avoir oppiné sur ladite requeste actendu l’absence notoire de monsieur le thesaurier et de son vicaire ont ordonné que ledit Le Nayn sera receu a l’office de chappelain en ladite eglise au lieu dudit feu Coustan veu le rapport cy datant faict a chapitre par monsieur Crenequin, chanoyne… que ledit Le Nayn est capable… et aussi que ledit Le Nayn est basse contre chose de present fort necessaire pour le divin service ». Il prête serment. Le 20 janvier 1560, « monsieur Dumayne au nom de vicaire de monseigneur le tresorier a decclaré a messieurs qu’il proteste de nullité la reception et installation de messire Jehan Le Nayn a l’office de chappelain faicte par messieurs messire Simon Gaillard, Claude Martin, François Burgat et Jaques Mothey, d’aultant qui ne lont deu ne peu faire, proteste davantaige audit nom de se pourveoir en temps et lieu contre les susdits en leur noms prinz de ce quilz ont entreprins sur l’auctorité de monsieur le tresorier ; et ont peu et deu faire, proteste davantaige audit nom de se pourveoir en temps et lieu contre les susdits en leur noms prinz de ce quilz ont entreprins sur l’auctorité de monsieur le tresorier ; et ont tout ce que dessus contrevenu a leu serment statutz et fondacion de ceans ; ledit sieur Gaillard a faict protestation contraires et declaré quil et les susditz ont peu et deu faire ce quilz ont fait suyvant les transactions faictes en l’année 1527, 28 et 38 entre feuz messieurs François de Bueilh et Jehan de Langellerie lors tresaurier et les chanoines et chappitre ; et en autre entre lesdits tresorier, chanoines d’une part et les chappelains et vicaires d’aultre, desquels il a sommé en absence dudit tresaurier ledit Dumayne vicaire declarer ledit sieur ou luy comme son vicaire veuillent entretenir lesdites transactions protestans a faulte de ce repandre pour luy et ses adherans les proces lors pendant sur lesquelz sont intervenus lesdites transactions ; et de tout requis acte par ledit Gaillard ledit jour soubz la voulte du serf a vespres ». Le 23 janvier 1560, « messieurs sur la requeste de Jehan Le Nayn de lui prester 6 escus pour aller a Troys pour aucunes ses affaires et aussi a prié messieurs lui bailler congié pour aller audit lieu, quand audit congié monsieur Dumayne lui accorde pour trois sepmaines et quant a l’argent qui luy sera presté 10 livres tournois sur son quartier de pasques prochain en baillant par lui caution ». Le 29 janvier 1560, « maistre Jehan Le Nayn est comparu en sa personne audit chapitre general lequel a presenté la requeste qui s’ensuict : a messieurs les tresorier et chanoines de la Sainte-Chapelle supplie humblement… quil vous plaise prier monsieur Dumayne comme luy mesme l’en supplye de l’installer en la place de chappelain en laquelle il a esté presenté par monsieur Gaillard et depuis en icelle institué par le chapitre de ladite institution il ne se veult ayder pour ce quil a esté adverti que doibt estr institué par monsieur le tresorier ou par son vicaire ainsi que portent les statutz… Et pourtant puys qu’il a esté presenté a mondit sieur le vicaire et par luy renvoié a monsieur Crenequin… et a fait apparaistre a monsieur le vicaire quil est prestre, comme il voloit en estre asseuré il le suplie de l’instituer et l’installer s’il luy plait sans le plus tenir en suspend : le suplie davantage luy remectre l’offence qui luy a faicte par parolles injurieuses ou aultrement ont il en est deplaisant se soubzmectant a telle correction qui luy plaira comme celluy qui veult demeurer son subject et tres humble serviteur et de tous messieurs les chanoines les remerciant la mesme affection quilz ont en son endroit. Ainsi signé Le Nayn. A quoy monsieur Martin a dit repondant a ladite requeste quil ne pretend avoir riens fait contre monsieur le tresorier ; et quand a la reception que ledit Le Nayn demande estre faicte est d’advis d’actendre la campaygnye et quil baillera plus ample declaration a ladite requeste ; auquel monsieur Dumaine vicaire… a declaré que suyvant ses protestacions cy davant faictes que ledit tresorier se pourvoira contre luy en son privé nom en temps et lieu pour la contravention faicte contre l’auctorité de monsieur le tresorier et statutz de l’eglise de ceans. Et neant moings que veu le rapport cy davant faict par messire Jehan Crenequin… a receu et reçoit ledit Le Nayn audit office de chappelain que tenoit ledit feu Cotan ; lequel sieur Martin s’en est allé et sorty hors dudit chapitre ; et a ledit Du Mayne fait prester le serment… a la charge qu’il fera apparoir de son ingenuité dedans 3 moys ». Le 20 février 1560, « monsieur Gaillard a presenté a monsieur Du Maine vicaire du tresorier Jehan Symonnet a la place et office de vicaire en l’eglise de ceans que soloit tenir messire Jehan Le Nain… Il est renvoyé a monsieur de Fogieres pour la vaccation de l’office de chantre, comme plus ancien chanoine pour examen ». Le 15 avril 1561, « monsieur Gaillard a aussi presenté audit sieur Crenequin messire Pierre Fauchon, vicaire de l’eglise de ceans au lieu et place de Chappelain que soloit tenir messire Jehan Lenayn absent d’icelle eglise de longue absence ». Le 3 mai 1561, « suivant les declarations… Crenequin a receu et institué messire Pierre Fenchon chapelain au lieu et place de messire Jehan Lenain » (Pilleboue PCR d’après F-AD 18, 8G 1527, f. 92v, 99, 105, 106, f. 107v-108v, f. 120, 8G 1528, f. 3-4, f. 9v-10).