Macé, Jean (…-…). Musician; Singer

Sainte-Chapelle de Bourges, 1560-1562. Le 1er février 1560, « messieurs ont ordonné que le filz de Johannet Darcay et le filz de feu Christofle Mace seront prins enffans de cueur en l’eglise de ceans veu le rapport fait par le maistre des enffans de cueur et par messire Jehan Regnault et Ursin Brunet et que ledit Johannet sera mandé et les parents dudit Mace pour en deliberer avecq eulx ». Le 6 février 1560, « maistre Marcillian Saultereau advocat a Bourges a certiffié a messieurs que Jehan Mace enffant de cueur de ceans est filz de feu Christofle Mace en son vivant apothicaire de la ville de Bourges et de Catherine Charlemaigne, est nay en loyal mariage, le sait parce quil a cogneu ledit feu Christofle Mace et cognoist sa veuve lesquelz il a veu vivre en bon et loyal mariage et dudit mariage est descendu ledit Jehan Macé pour tel tenu, censé et reputé ». Le 13 février 1560, François Charlemaigne marchant a Bourges a certiffié a messieurs que Jehan Macé enffant de cueur de ceans est le filz de feu Christofle Mace en son vivant apothicaire de ville de Bourges et de Catherine Charlemaigne est nay en loyal mariage, le sait parce quil est frere de la mere dudit Jehan Mace son nepveu et veu vivre en bon et loyal mariage ledit feu Christofle et ladite Catherine et dudit mariage est descendu ledit Jehan Macé pour tel tenu censé et reputé ». Le 17 février 1560, « messieurs ont receu enffant de cueur en l’eglise de ceans Jehan Macé filz de feu Christofle Macé et de Catherine Charlemaigne demourans a Bourges et luy ont baillé les aulbes et delaissé a la charge et garde de maistre Pierre de La Pierre, maistre des enffans de cueur de l’eglise ». Le 10 janvier 1562, « tradat a Pierre Jardrin, maistre barbier a Bourges 30 sous tournois pour avoir medicamenté deux des enffans de cueur qui sont Macé et Johannet » (Pilleboue PCR d’après F-AD 18, 8G 1527, f. 111, 114v, 117v, 118, 8G 1528, f. 111v).