Pollisson, Pierre (…-…)

Sainte-Chapelle de Bourges, 1573. Le 14 avril 1573, « est venu en chapitre messire Pierre Pollysson nepveu de deffunct messire Jaques Mothey lequel a dit et remonstré que cy devant et des longtemps madame madame la duchesse de Savoye et de Berry accorda a son feu oncle de resigner toutefoys et quante que bon luy semblera sadite chanoinie et prebende ; et ce jour et en consideration des bons et agreables services que ledit deffunct Mothey avoit faictz en estat des clerc de chappelle a madame et deffunct monsieur Dorleans son frere laquelle prebende ledit deffunct Mothey avait eue par faveur et en don de madame madame ayant la majesté de madame madame voulloir que en cas que par surprinse ou inadvertance elle conferast par mort ou autrement ladite prebende a quelque personnaige que ce fust sy ce nestoit par la donnation et resignation dudit Mothey et tres venerable tresorier, chanoines et chapelains de la Sainte-Chapelle ne le reconussent et quilz n’eussent aulcunz esgard aux provisions qu’ilz en pourroient obtenir, ainsy que ledit Polisson dict aparoir par le don… signée de la main de madame et plus bas Jullain son secretaire… Requerant ledit brevet et don estre leu en la presence et la compaignye... [lequel brevet commence par] aujourd’hui 8 novembre 1566, madame la duchesse de Savoye et de Berry a Turin a accordé et permis qu’en consideration des bons et agreables services que messire Jaques Mothey luy a de longtemps faictz en estat de clerc de chapelle et a feu monsieur d’Orleans son frere, il puisse quand bon luy semblera resigner sa prebende quil a par cy davant eue par faveur et don de madame a Pierre Polisson son neuveu ». Le 15 juin 1573, « messire Pierre Pollisson neveu de feu messire Jaques Mothey lequel a dit que combien que par cydevant il leur ayt fait nottifier ung placet de madame duchesse… par lequel elle auroit permis audit deffunct…, que neantmoings il ne pretend plus aulcun droit et ne veult et n’entend s’ayder dudit placet et a remis et remect tous les droictz qu’il y pourroit pretendre en vertu de ce, entre les mains de madame pour en faire et disposer comme bon luy semblera ; et de ce noble homme Claude Genthon conseiller du roy notre sire et maistre d’hostel de madame present a requis acte ». le chapitre est d’accord (Pilleboue PCR d’après F-AD 18, 8G 1536, 8G 1537).