Rolin, Joseph (…-…). Musician; Singer

Joseph Rolin, natif de Vierzon, est d’abord enfant de chœur en 1563, puis en 1572 gagiste à la marrellerie.
• Sainte-Chapelle de Bourges, 1563-1572. Le 24 juillet 1563, « messieurs ont receu enffant de cueur en l’eglise de ceans Joseph Rolin filz de Loys Rollin menuzier demourant a Vierzon, apres quilz ont estez certiffiez par messieurs Jehan Le Begue et Martin Le Rasle de ladite eglise de son ingenuité ; et laissé en la charge et garde dudit Le Begue maistre des enffans de cueur d’icelledite eglise. Le 15 avril 1570, « messieurs ont commis monsieur Guillouet pour faire examyner par aucuns chantre de ceans l’enffant de cueur de Vierzon pour scavoir s’il y a esperence quil puisse servir a l’eglise ; et en fera son rapport au premier chapitre ». Le 22 avril 1570, « apres que monsieur Guillouet a rapporté que par ordonnance de chappitre il avoit par trois chantres de ceans faict examyner l’enffant de cueur de Vierzon lesquelz chantres tiennent quil est pour servir a l’eglise ; messieurs ont ordonné que ledit sieur Guillouet conviendra avec ung organiste pour apprandre audit enffant de cueur a jouer du manicordion ». Le 20 mai 1570, « en la presence de Myneau notaire royal, messieurs ont declaré a Loys Rolyn pere de Joseph Rolin enffant de cueur de l’eglise present en chappitre que ledit Joseph avoit changé et mué de voix depuis sa reception et n’estoit pour servir a l’eglise ainsi que lui auroient par plusieurs fois faict entendre. A ceste cause l’ont sommé et requis de le retirer et declaré s’il a volonté de le faire estudier ou le mectre a mestier ; offrant payer sa pention pour deux ans ; protestans ou il ne vouldra ce accepter de ny estre tenu a quoy ledit Loys Rolin n’a voulu faire aucune responce ». Le 20 juin 1570, « messieurs ont commis monsieur Guilhouet pour trouver aveq Loys Rolin pere de Joseph Rollin enffant de cueur de leglise maison pour lectre en penssion ledit Joseph soit avecq le maistre des enffans de cueur de l’eglise [Pierre de La Pierre ?] ou aultre lieu ; ce requerant ledit pere dudit Joseph ; et luy faire aprandre a jouer du manicordion pour le temps de deux ans ; et l’entretiendront durant lesdits deux ans aux despens de chappitre moyennant ce que ledit pere a quicté et deschargé ledit chappitre de tout ce qui leur pourroit estre tenu a cause de temps quil a esté enffant de cueur pour toute recompence ». Le 27 juin 1570, « monsieur Guillouet a refferé a messieurs avoir accordé avec Loys Rollin pere de Joseph Rollin son filz enffant de cueur de l’eglise selon la quictance quil a mise sur le bureau signée Paillasson laquelle messieurs ont eu agreable ». Le 27 juin 1570, messieurs « sur la requeste du maistre des enffans de cueur, ont ordonné quil entretiendra ledit Joseph Rollin comme ung des autres enffans de cueur et le tiendra aux aulbes jusques ad ce quil en soit autrement decidé par messieurs ». Le 31 mai 1572, messieurs ont ordonné que le nepveu de la Renarde sera receu enffant de cueur en l’eglise de ceans au lieu de Joseph de Vierzon quand ledit Joseph sera a fin de son temps (Pilleboue PCR d’après F-AD 18, 8G 1530, f. 22v, 38v, 8G 1534, f. 23v-24, f. 30, 45v, 46, 8G 1535).
Le 10 juin 1572, « sur la requeste par escript presentee par Loys Roullin pere de Josep [sic] Rollin enffant de cueur, messiers en consideration de la pauvreté de son pere ont ordonné que ledit Joseph sera tenu aux gaiges de 40 livres tournois pour une foye et pour une annee tant seullement sans tirer a consequence ; et a messire Philippe Mareschal present esté prié et requis par le chappitre de tenir en sa maison ledit Joseph durant le temps d’ung an a commancer d’huy ; ce quil a promis faire lesdits gaiges audit Joseph acordez moyennant que icelluy Joseph sera tenu chanter en ladite Sainte-chapelle et faire service en icelle ainsi que ont acoustumé faire les gagistes d’icelle ». Le 29 juillet 1572, « sera alloué au receveur 23 sous tournois 10 deniers quil a debourcez par le commandement de monsieur Chevrier pour habiller Joseph Rollin qui est sorty ces jours passez des aulbes de l’eglise de sceans ». Le 30 septembre 1572, « messieurs ont ordonné quil sera baillé a Joseph Rollin nagueres enffant de cueur de seans ung says de drap noir et une paire de soulhyers pour l’usaige dudit Roullin ; et ce pour ceste foys seullement et sans tirer a consequence ; ont commis Chevrier ». Le 8 novembre 1572, « messieurs ont accordé a Joseph Roullin nagueres enffant de cueur la somme de 60 livres tournois et la moitié du pain que ont acoustumé de prandre les chapelains et vicaires de penssion par chacun an a la charge que ledit Rollin servira a la marrellerye au lieu de messire Gilles Huault et pour ce faire sera tenu de coucher a ladite Marelherye ; et ce tant quil plaira a messieurs ». Le 22 novembre 1572, messieurs ont « ordonné quil sera alloué a leur receveur la somme de 9 livres 4 sous tournois 6 deniers pour ce quil a payé pour le chapitre a Guillaume Villier La Ville marchand pour cetaine marchandise qui a esté prinse dudit de La Ville pour habilher Joseph Rollin nagueres enffant de cueur de seans » (Pilleboue PCR d’après F-AD 18, 8G 1536).