Taillon, Jean (…-…). Musician; Singer

Jean Taillon, natif de Moulins, est enfant de chœur en 1573, chantre et vicaire marrilier en 1574. Il est reçu vicaire « ordinaire » en 1577. Il est nommé distributeur en 1579, charge dont il démissionne en 1582. Compte tenu des lacunes dans les registres entre fin 1587 et 1609, à la suite de Frédérique Pilleboue, nous avons arrêté nos dépouillements chronologiques à la fin de 1587.
• Sainte-Chapelle de Bourges, 1573-1587. Le 14 mars 1573, « messieurs ont ordonné que l’enffant de cueur de Molins sera mandé pour savoir sil a intention de demourer en l’eglise de sean et sil est suffisant pour chanter en cueur ou non affin destre receu sy faire se doibt ». Le 4 avril 1573, « messieurs ont commis monsieur Chevrier de parler au maistre des enffans de ceans pour tenir en son hostel et maison le temps de troys ou quatre moys l’enffant de cueur admené par monsieur David de la ville de Molins pour certain pris dont il s’accordera avec ledit maistre. [Ce même jour, messieurs ont] ordonné que monsieur David achaptera une robbe et 2 surpeliz pour ledit enffant ; et ordonné que le receveur bailhera et paiera a monsieur David chanoine la somme de 6 escus dix sols pour son remboursement de pareille somme quil a frayé et advancée pour admener de la ville de Molins en ceste ville ung enffant de cueur nommé Jehan Tailhon ». Le 7 avril 1573, « monsieur Chevrier a remonstré que suyvant la charge que le chapitre luy avoit donnee pour faire marché avec le maistre des enffans pour la pention de l’enffant de cueur admené de la ville de Molins par monsieur David, il a faict marché avec ledit maistre des enffans a la somme de 30 livres tournois et 4 septiers de blé mestou par an pour la nourriture dudit enffant le tout soubz le bon plaisir di chapitre sur ce messieurs ont ordonné que ledit marché marché tiendra at aura lieu, lequel ilz ont pour agreable ; et commancera l’année au cinquiesme du present moys a la charge que ledit maistre monstrera audit enffant l’art de musicque et a chanter sur le lyvre au mieulx qui luy sera possible » (Pilleboue PCR d’après F-AD 18, 8G 1536).
Le 22 mai 1573, messieurs ont « ordonné que le receveur remboursera a monsieur David 4 livres 2 sous quil a payez et advancez par ordre du chapitre pour deux surpeliz achaptez a l’enffant de Molins et pour la fasson de la robbe d’icellui ». Le 6 juin 1573, sera payé « 14 livres 8 sous tournois a Gilles Huitault, marchand pour ce que monsieur Amerard a achapté pour habiller l’enffant de cueur qui a esté admené de Molins ». Le 21 juillet 1573, « messieurs ont ordonné que le receveur payera les chaulsses et soulhiers qui seront achaptez par monsieur Dumayne pour l’usaige de Jehan Thaillon enffant de chœur de seans ». Le 8 août 1573, « le receveur remboursera a monsieur Dumayne 9 livres tournois 17 sous tournois 6 deniers quil a payez et advancez pour habiller Jehan Thailhon enffant de seant ». Le 1er décembre 1573, sera payé « au receveur 13 livres 4 sous 3 deniers pour avoir habillé Taillon par monsieur de Merlieres [sic] ». Le 28 janvier 1574, messieurs ont « commis Amerard pour achapter un bas de chaulsse pour Tailhon et aussi pour acheter de la thoille pour faire des chemises aux enffans de cueur ». Le 30 janvier 1574, sera payé « a Guilbert Lorville 34 sous pour ung bas de chaulsse quil a forny a Thaillon chantre de seans ». Le 27 février 1574, « monsieur Amerard presente Jehan Thailhon comme vicaire marreilher en la place que souloyt tenir Gilles Huault qui s’est dicelle vicairie demys. Messieurs cognoissant ledit Thailhon estre jeune et n’estre encore de la quallité de ceulx qui doibvent estre receus vicaires, ont de prouveoir a ladite place la personne dudit Thailhon jusques a ung an lequel sera proveu de ladite place sy pendant ledit temps il fait bien son debvoir d’estudyer et de faire service en ladite eglise ; et cependant durant ceste année ont ordonné que ledit Thaillon aura la somme de 60 livres tournois et son pain pour son entretenement et nourriture ». Le 2 mars 1574, « messieurs ont commis monsieur Demesnard pour parler au maistre des enffans et scavoir et entendre de luy pour combien il vouldra nourrir et hospitalliser [sic] Jehan Taillon durant le temps d’une année tant seulement ». Le 24 mars 1574, « monsieur Amerard a rapporté avoir fait marché pour la pention de Jehan Tailhon avec maistre Thoussainctz Rahel maitre des enffans de ceans a la somme de 50 livres tournois et le pain de chapitre acoutumé estre baillé aux chapelains et vicaires pour ung an a commencer du 27 février 1574 et outre par mes mesmes presentes ont accordé audit Tailhon pour soy entretenement durant ledit temps dung an la somme de 20 livres tournois qui est avec sadite pention la somme de 70 livres. On lui advancera 12 livres sur lesdites 20 livres tournois ». Le 15 mai 1574, « monsieur Dumayne suyvant la presentation a luy a esté faicte de la personne de Jehan Thailhon chantre par monsieur Amerard pour estre proveu de la viccairye marellerie » ; il est renvoyé a monsieur Dumerlyer. Le 22 mai 1574, le rapport sur Jehan Taillon, « interrogé tant sur la musique, lecture, chan et deschan [le juge] suffisant et capable aussy quil a la voix propre ». Son ingénuité est certifiée par déposition de monsieur David, chanoine et messire Loys Bon chanoine du château « qui ont dit le bien cognoistre pour estre natif de la ville de Mollins ». Il est reçu vicaire marillier, en baillant caution. David et Bon le cautionnent et pleigent (Pilleboue PCR d’après F-AD 18, 8G 1537).
Le 3 juillet 1574, messieurs « a messire Andre Bergier vicaire, ont accordé le lict quil debvoyt rendre a la mareillerye et quil avoyt en charge de chappitre pour la somme de 8 livres tournois : a rabaptre afin d’en acheter un autre qui sera baillé a Jehan Thaillon de present resident a la marellerie ». Le 14 août 1574, « est venu en chapitre messire Ymbert Gueret vicaire de seans lequel a dict et exposé que deux jours sont quil fut pryé par Jehan Tailhon aussi vicaire d’aller coucher avec luy en la marrellerye de seans ce que pour luy faire plaisir luy avoit eccordé et que le jour d’hier enthour lheure de neuf heures du soir estant couché nu et sans chemise dans le lict ou a coustume coucher ledit Tailhon, survinct deux hommes de l’eglise de seans a luy incongnuz par ce quil estoit nuyt, lesquelz boterent a la porte de ladite marilherye deux petitz coups seullement la porte de laquelle marrilherye incontinent quils firent entrer se meyrent apres luy avec grandes poignées et verges, de fasson et manniere quil en a tout le corps meurtry et n’y a bourreau qui en eust tant voullu bailher a larron quil en avoyt et ne sachant la cause pour quoy ; partant a supplyé et requis messieurs luy faire admi[ni]strer justice ladite exposition et requeste myse en deliberation, messieurs ont renvoyé et renvoye le present delict a monsieur l’official de la thesaurerie de ceans et au promoteur des causes d’office pour en faire raison et justice ». Le 21 août 1574, Jehan Thaillon vicaire, « veut qu’on luy avance de l’argent pour se purger d’aulcunes faulses accusations a luy [faictes] par aulcuns ses malveillans. [La réponse est négative] mais certains de messieurs ont demandé que ladite requeste demourast au greffe pour en avoir revue d’aultant quelle est callomnyeuse. [On] envoye le greffier la chercher pour la faire signer dudit Thailhon, lequel Taillon ayant icelle entre ses mains ma dict ces motz : je voys que messieurs entrent en controverse l’ung contre l’aultre pour ma requeste j’ayme mieulx men despartyr que de mectre noyse et querelle entre eulx ; et sur ces propos a rompu et lassere ladite requeste en ma presence et de plusieurs aultres qui estoient lhors presens ». Le 7 septembre 1574, Jehan Thaillon, vicaire fait une « requeste escripte… tendant ad ce que le chappitre ayt a luy declarer si icelluy est sa partye pour raison d’aulcunes pretendues charges et accusations contre luy faictes par Ymbert Gueret aussi vicaire de seans et si ledit chapitre a donné charge ou non a l’ung de messieurs de se rendre partye et faire les fraiz et despens dicelluy contre luy ou non pour ce faict se proveoir ainsi que de raison ; et semblablement pour se purger desdits cas requerant quil ne soyt mené en aultres prisons que celle de ceans offrant si representer toutesfoys et quante que par temps en sera ordonné. Sur ce messieurs ont dict quilz ne sont aulcunement partye dudit Thailhon quilz ne veullent ny n’entendent que les fraiz que l’on faict a la poursuyte de ladite accusation soyt faicte aux despens dudit chapitre ains aux despens dudit Gueret sy bon luy semble ; quilz entendent quil soyt mys en prisons de ceant et quilz ont seullement chargé monsieur Chevrier de solliciter les officyers de la thesaurerie de ceans de faire garder le droict a qui il appartient ». Le 14 septembre 1574, messieurs ont « ordonné que Ymbert Gueret aura une queue de demy vin et Jehan Thailhon une queue de vin pour et ce d’aultant que les dessusdits n’ont aultre chose gangné dudit vin pour ce que atard ils ont estez receuz en la place de vicaire ». Le 2 octobre 1574, Jean Thailhon obtient son gagne « pour le temps de 3 semaines quil a esté absent ». Le 30 janvier 1575, sera payé « 50 sous tournois a Jehan Taillon pour le pain a chanter quil a fourni depuis quil est vicaire marrilhier jusques au jour de noel dernier » ; et le 9 avril 1575, « 2 ecus a Jehan Thailhon pour avoir fait sonner les cloches depuis sa reception » (Pilleboue PCR d’après F-AD 18, 8G 1538).
Le 19 janvier 1577, Demerlyer fait son rapport sur messire Jehan Tailhon sur presentation de monsieur de Dames Sainctes [Jean Le Roy, chanoine, prieur de Dame-Sainte], chanoine a la place de vicaire vacant par demission de messire Jehan Le Roy ». Il est reçu. Le 21 février 1579, « monsieur Amerard a presenté comme vicaire a la place de Jehan Tailhon messire Françoys Berault ». Le 4 avril 1579, Thaillon est nommé distributeur a la place de Jehan [sic] Bergier. Le 26 septembre 1579, « messire Jehan Thailhon vicaire a demandé ses distributions pour 3 semaine » ; le chapitre est d’accord. Le 22 octobre 1580, « messieurs ont ordonné qu’il sera baillé a messires Yves Cycard, Samuel Duval, Jehan Thaillon, messires François et Loys la somme de 100 sous tournois pour leur recompense des grandes peynes qu’ilz ont eues l’année presente a la levée de leurs dixmes de vin de Bouilhot ». Le 23 décembe 1580, Jehan Tailhon obtient ses distributions. Le 18 février 1581, on a un « different entre messieurs et Jehan Tailhon qui pretend avoir droict d’une maison que soulloyt tenir maistre Thoussainctz Rahel ». On verra le conseil. Le 5 mars 1581, l’echange de maison entre Rahel et Thaillon sera communiqué au conseil. Le 30 avril 1581, [rayé : « ordonné que la maison que tenoit maistre Thoussainctz Rahel nagueres vicaire sera donnée en adcence au plus ancien chapelain ou vicaire ou le suivant » : opposition de Brunet, Dumayne, Amerard parce que la maison a été donnée à Jean Taillon]. Le 10 juin 1581, « messieurs ont fait bail de la maison que tenoyt Jehan Tailhon a messire Yves Bessac, chapelain » (Pilleboue PCR d’après F-AD 18, 8G 1539-1542).
Le 27 juin 1581, Clairé, Barreau, Taillon, Johannet, Foideau et Charles Loys obtiennent leur gagne « a la charge qu’ilz feront meilleure residence en l’eglise quilz n’ont fait par le passé ». Le 1er août 1581, « Jehan Tailhon vicaire dit que en la maison quil tient de chapitre ou se soulloyt tenir maistre Thoussainctz Rahel y avoyt ung sellyer assez mal ediffyé et basty ». Il demande de quoi réparer. Le 10 octobre 1581, Jehan Tailhon obtient son gagne. Le 28 juillet 1582, Jehan Tailhon demissionne de son office de distributeur, il est remplacé par Charles Johannet. Le 23 décembre 1582, « messire Jean Thaillon est venu en chapitre sur la fin du moys de juillet dernier luy fut donné congé par le tresorier pour aller voir ses pere et parens en la ville de Molins en Bourbonnois ou il demera mallade par le moyen de laquelle sa maladye il n’a peu si tost estre de par dela qu’il eut bien desiré et avoir esté absent de ceste eglise le temps de 3 moys ». Il veut son gangne. Le 4 janvier 1583, Thaillon redemande son quartier entier, Anthoine de Rançon et Anthoine Clairé ont aussi demandé leurs distributions « pour le temps qu’ils ont estez absens tant a cause de la contagyon que par les congez ». Le 17 janvier 1583, « messieurs ont commis monsieur le chantre pour parler a messire Jehan Taillon s’il se veult charger d’aller monstrer la grand mere aux enffans de cueur de seans au pris de 20 livres tournois par an ». Le 15 février 1583, « messieurs ont commis pour avoir l’œil sur le lumynaire de l’eglise messire Jehan Tailhon aux gaiges acoustumez ; et a l’instant luy ont esté [sic] les clefs du coffre ou se met la cyre et cyerges en ses mains pour s’en acquicter ». Le 14 mai 1583, « Jehan Tailhon s’est presenté a monsieur David, grand vicaire, pour demander la cure de Bussy, vaccant par incapacité de celuy qui en a esté proveu. [David refuse. Il s’adresse au chapitre, David repond] qu’il a proveu a ladite cure par permutation et partant ne peult bailler autre provision, laquelle responce ledit Tailhon a prins pour reffuz ; il prie le chapitre le nommer a son altesse duc de Berry pour ladite cure de Bussy ». Le chapitre est d’accord. Le 15 mai 1584, « a messire Jehan Tailhon 20 sous tournois pour avoir nourry messire Pierre Cerneau 2 jours avant qu’il feust receu vicaire » (Pilleboue PCR d’après F-AD 18, 8G 1543, f. 13, 23, 108v, 110, 118v, 128, 156, 248 et autres).
Le 9 mai 1587, « Jehan Thaillon a requis estre nommé au roy pour la cure de Saint-Pierre le Guillard a cause de ce qu’il pretend avoir esté mal proveu a ladite cure par monsieur David » ; on verra. Le 30 juin 1587, « messire Jehan Thailhon vicaire a dit qu’il avoit advertissement certain que ung certain personnage tyent et possede la cure d’Avoy qui toutesfoys n’est de la quallité requise et incapable pour les cause qu’il entend desduyre en temps et en lieu [rayé : point qu’il est entré en icelle par symonnye comme il pretend] ; a ceste cause a supplyé messieurs le nomer au roi pour avoir ladite cure comme estant de la quallité pour icelle tenir mesmement que ladite cure est affectée aux chappelains et vicaires pour le service qu’ilz font d’ordinaire a l’eglise de sceans ». Le 5 septembre 1587, messieurs ont « ordonné que le receveur payera a Jehan Thailhon 100 sous tournois pour la nourriture d’ung petit enffant de cueur venu du pays de Bourbonnoix qu’il a nourry par leur commandement durant le temps d’ung mois ; et lequel Thaillon ils ont chargé d’escripre aux parens du petit enffant [rayé : pour savoir s’ilz le veulent habiller] de venir de par deca pour adviser avec messieurs ». Le 24 octobre 1587, « Jean Thaillon a vendu a messire Marin Mallet une robbe noire 5 ecus somme rabaptue sur le gangne de Mallet » (Pilleboue PCR d’après F-AD 18, 8G 1544).