Brunet, Simon (…-…). Musician; Singer

Sainte-Chapelle de Dijon, ?-?. Le 2 mai 1477, Simon Brunet confesse avoir reçu la somme 300 fr. "pour le norrisement des quatre francs ([recte] enfants) de ladite chapelle pour trois années, [...] c'est assavoir 1474, 1475 et 1476" (AD 21 - G 1513, f. 70). Les comptes subséquents attestent qu'il occupa le poste de "maistre des enffans de la chapelle des ducz de Bourgogne a Dijon" sans interruption au moins jusqu'en mai 1482 (AD 21 - G 1513, f. 71, 75, 76v-77). On ne retrouve ensuite sa trace que vingt-et-un ans plus tard, soit le 3 février 1503 [n.s.] ; c'est alors simplement en tant que "chanoine de ladite esglise" que lui sont remis 7 fr. "pour l’achat d’une robe de satin de Bruges de verde couleur" (AD 21 - G 1521, f. 18v). Le 31 mars suivant, Brunet vend au chapitre une rente de fondation annuelle de 25 s.t. assignée sur une maison sise à Dijon et deux pièces de vignes, "pour mes urgentes necoissitez et mes besoingnes et affaires reformer en mieulx, [... et] au prouffit de la petite celerie de ladite Saincte Chappelle", pour la somme de 25 fr. ; sont alors témoins Jacques Tristan* et Étienne Fournier*, prêtres choriaux et chapelains de la chapelle (AD 21 - G 1163). La plupart des documents le concernant comportent sa signature "SBrunet" avec paraphe.



======================

G 1513
f.103(erreur 2 f. 103)/68v
Ladite somme de cent frans a esté baillée a maistre Simon Brunet, maistre des enfans, ou lieu des 100 fr qui sont deuz en la saulnerie du bourg dessous de Salins pour la teerme de St Ylaire M cccc 1474…

f.104/70
Je Symon Brunet, chanoine de ladite chapelle, confesse avoir receu de mesdits Seigneurs la somme 300 fr. monnoie courrant que deu m'estoit pour le norrisement des quatre francs (erreur pour "enfants") de ladite chapelle pour trois années, audit terme de sainct Ylaire, cest assavoir 74, 75 et 76... tesmoing mon seing manuel cy mis le 2e jour de may l'an 1477 (avec signature "SBrunet" avec paraphe)
Je, Symon Brunet, chanoine et maistre des enffans de ladite chapelle, confesse avoir receu de mesdits Seigneurs la somme de 50 fr. monnoye courrant en deduction de 100 fr. que deus m'estoient a la Saint Hylaire dernierement passée 1477. Tesmoing mon seing manuel cy mis l'an que dessus (avec signature "SBrunet" avec paraphe).

f.105/71
Je, Symon Brunet, chanoine et maistre des enfans de ladite chappelle, confesse avoir receu de mesdits Seigneurs la somme de 50 fr. monnoye courrant que deu m'estoit pour reste de la somme de 100 fr.... pour et a cause du gouvernement desdits enfans pour ung an fini a la feste de saint Ylaire dernierement passée... le 18e jour davril 1477 apres pasques (avec signature "SBrunet" avec paraphe)
Je, ledit Symon Brunet, confesse avoir receu de mesdits Seigneurs la somme de 16 fr. monnoye courrant que deu m'estoit pour le gouvernement des quatre enfans de ladite chapelle pour ung an finy le jour de saint Ylaire dernierement passe... le 16e jour de mars l'an 1478 (avec signature "SBrunet" avec paraphe).

f.?/75
A Me Symon Brunet, chanoine et Me des enf… 50 fr sur et en deduction de ce que lui peut estre deu a cause du gouvernement et norissement desdits enf… 18 avril 1478 apres Pasques

f.110v/76v
Je, Symon Brunet, chanoine et maistre des enffans de la chapelle des ducz de Bourgogne, confesse avoir receu de messeigneurs les venerables doyen et chapitre de ladite chapelle la somme de 30 fr. pour le gouvernement desdits enffans, tesmoing mon seing manuel cy mis le jeudy 24e jour de fevrier l’an 1479 (avec signature "SBrunet" avec paraphe).
Je, Symon Brunet, chanoine et maistre des enffans de la chapelle des ducz de Bourgogne, confesse avoir receu de messeigneurs les venerables doyen et chapitre de ladite chapelle la somme de 30 fr. pour le gouvernement desdits enffans, tesmoing mon seing manuel cy mis le derrenier jour de mars l’an 1480 (avec signature "SBrunet" avec paraphe).
Je, Symon Brunet, chanoine et maistre des enffans de la chapelle des ducz de Bourgogne, confesse avoir receu de messeigneurs les venerables doyen et chapitre de ladite chapelle la somme de 59 fr… pour le gouvernement et norissement desdits enfants tesmoing mon seing manuel cy mis le mardy 13e jour de novembre l’an 1481(avec signature "SBrunet" avec paraphe).

f.111/77
Je, Symon Brunet, chanoine et maistre des enffans de la chapelle des ducz de Bourgogne a Dijon, confesse avoir eu et receu de messeigneurs les venerables doyen et chapitre la somme de 20 fr sur ce que me pourra estre delye(?) a cause du gouvernement desdits enfants au terme de saint Ylaire prochain venant... tesmoing mon seing manuel cy mis le vendredy 24e jour de may 1482 (avec signature "SBrunet" avec paraphe)

====

G 1521.
18v
A maistre Symon Brunet, chanoine de ladite esglise, pour l’achat d’une robe de satin de Bruges de verde couleur, la somme de 7 fr, comme appert par mandement de mesdits Seigneurs en date du 3e jour de fevrier audit an Vc et deux [a.s.]

====
G 1163
(photo 109 dans doc pdf)
En nom de nostre Seigneur Amen. L'an de l'incarnacion dicelluy courrant 1502[a.s], le dernier jour du mois de mars avant Pasques, je, Symon Brunet, chanoine de la Saincte Chapelle des ducz de Bourgoingne a Dijon, savoir fait a tous presents et advenir qui ces presentes lectres verront et ourront que pour mes urgentes necoissitez et mes besoingnes et affaires reformer en mieulx, vends, cede, quicte, renonce(?), transpourte et delivre perpetuelment pour moy, mes hoirs et aians-cause, a Messieurs les venerables doyen et chappitre de la Saincte Chappelle des ducz de Bourgoingne a Dijon, a ce present stipulans, achetans et acquerans perpetuelment pour eulx et leurs successeurs, au prouffit de la petite celerie de ladite Saincte Chappelle. Et mesmemant de la fondacion faicte en ladite Saincte Chappelle de deux stacions par feu Richard Gros, jadis chanoine dicelle chappelle, 25 s.t. de rente annuelle et perpetuelle, paians et rendans chacun an perpetuelment par moy, ledit vendeur, mesdits hoirs et aians-cause, ausdits Sieurs acheteurs et leursdits successeurs au prouffit que dessus, par moitié aux jours et termes des festes de pasques charnelz et de sainct Rémi, le premier terme et paiement commenceant a ladite feste de sainct Rémi prouchain... et dillec continuelment ausuivant chascun an perpetuelment de terme en terme. Laquelle rente, Je, ledit vendeur, assigne et assietz en ... et par exprez sur les heritaiges qui s'ensuivent. Et premierement, sur une myenne maison fauds mex aisances et appartements(?) dicelle, ainsi que elle se compourte du long du large, hault en bas, et de toutes pars assise audit Dijon, pres du chastel et aupres la maison de [laissé en blanc] d'une part, et la maison de [laissé en blanc] d'autre part. Item sur une piece de vigne contenant environ cinq quartiers, ainsi que elle se compourte de bonne a aultre, assise au finaige dudit Dijon, où... ès Craiz de Poilly. Et aupres la vigne de [laissé en blanc] d'une part, et la vigne de [laissé en blanc] d'autre part. Item sur une aultre piece de vigne contenant environ trois quartiers, ainsi que elle se compourte de bonne a aultre, assise au au finaige dudit Dijon, où... ès plantes de la fin, aupres la vigne de [laissé en blanc] d'une part, et la vigne de [laissé en blanc] d'autre part. Et generalment sur tous et singuliers mes autres biens, meubles et immeubles presents et advenir quelxconques pour par lesdits Sieurs acheteurs et leursdits successeurs y recourir et assigner les vendre et... pour juste pris. Et aultrement en faire et disposer que de leur propre chose au deffault de paie de ladite rente de terme en termes passez par rate de temps et tous frais raisonnables. Et ce present vendaige perpetuel, Je, ledit vendeur, fais pour le pris et somme de 25 fr., dicte monnoye a moy pour ce paiée, baillée et delivrée par mesdits Sieurs acheteurs, dont je suis et me tien pour bien content. Et en quicte perpetuelment lesdits Sieurs acheteurs et leursdits successeurs, en faisant part exprez de non leur en jamais aucune chose quereler ne demander. Promettant, Je, ledit vendeur, par mon serment pour ce donné et touche corporelment aux sains euvangilles de Dieu nostre Seigneur, et soubz l'ypotheque et expresse obligacion de tous et singuliers mes biens et de ceulx de mesdits hoirs, meubles et immeubles presents et advenir quelxconques. Ce present vendaige et tout le contenu en cesdites presentes lectres avoir et tenir perpetuelment(?) ferme, estable et aggreable sans jamais contrevenir, faire, dire ne consentir venir par moy, ne par aultres en aucune maniere que ce soit, taisiblement ou en appert directement, indirectement par voye oblicque ou aultrement. Mais lesdits 25 s.t. de rente que dessus aussi par moy vendue que dit est ausdits Sieurs acheteurs et leursdits successeurs rendre, paier, bailler et delivrer chascun an perpetuelment aux termes et en la maniere que dessuz. Avec tous coustz, dommaiges... et despens sur ce fais et soustenus au deffault de parole(?) ladite rente de terme en termes passez. En... en ce fait, Je, ledit vendeur, par mondit serment et soubz l'obligacion que dessus, a toutes et singulieres exceptions, deceptions, fraudes, baratz... cavillacions, opposicions, appellacions, ... Et a toutes et singulieres autres choses qui contre l'effet et teneur de mesdites presentes lectres pourroient estre dictes, alleguées ou obiciées. Et mesmement au droit disant general... Et a l'observance des choses avantdites et d'une chascune dicelle, Je, ledit vendeur, vueil estre contrainct et execute ainsi ... par les cours de la chancellerie du duchié de Bourgoingne. De Monseigneur l'official de Lengres et de toutes autres cours tant d'eglise que seculieres... quant ad ce, Je submectz et oblige moy, mes hoirs, les biens de moy et de mesdits hoirs. En tesmoing de ce, J'ay requis et obtenu le soel aux contractz de la court de ladite chancellerie duquel l'on use en tabellionnaige dudit Dijon estre mis et appendu a cesdites presentes lectres faictes et passees audit Dijon, par devant et en la presence de Johan du Treul demeurant audit Dijon, notaire juré desdites cours de la chancellerie et de Lengres, et coadjuteur du tabellionnaige dudit Dijon pour le Roy nostre Sire. Presents discretes personnes messires Jacques Tristan, Estienne Fournier, prêtres choriaulx et chappellains de ladite chappelle, et Jehan Muguier, cousturier demeurans audit Dijon, tesmoings a ce appellez...