Brechet, Jacques (…-…). Musician; Singer

Sainte-Chapelle de Bourges, 1564-1583. Le 23 décembre 1564, « messieurs ont receu enffant de cueur en l’eglise de ceans Jehan Brechet filz de feu Guillaume Brechet de son vivant laboureur paroissien de Fucy après quilz ont esté certiffiez de l’ingenuité dudit Brechet par monsieur Dumaine qui s’en est informé des habitans dudit Fucy estant audit lieu et luy ont donné les aulbes ».
Le 14 septembre 1579, messieurs ont « ordonné que le receveur baillera pour cest foys seullement et par forme d’aulmosne a Jehan Brechet nagueres enffant de cueur de seans la somme de 2 ecus d’or sol pour se prouvoir par ledit Brechet ainsi qu’il verra et debvra luy declairant que l’on ne le peult recepvoir en quelque estat que ce soit pour le service de l’eglise de seans tant pour son incapacité que aultres ». Le 6 octobre 1579, « messieurs ont ordonné que Jehan Brechet nagueres enffant de cueur qu’ilz ont mys en apprentissage chez le sieur Jourdain barbyer sera habillé d’ung propoinct et d’une paire de chaulsses tant hault que bas et quil sera baillé audit Jardrin 4 livres pour luy achapter un estuy et la garnyture d’icelluy ». Le 24 octobre 1579, « pour un hault de chausse et des bas qu’il a faict pour Jehan Brechet nagueres enffant de cueur demourant a present chez maistre Pierre Jourdin 35 sous tournois ». Le 7 novembre 1579, « messieurs ont baillé pour vicaire vivant et mourant aux sein de Troy… Jehan Brechet ». Le 12 décembre 1579, « messieurs ont pryé monsieur Dumayne d’achepter un manteau pour Jehan Brechet nagueres enffant de cueur ». Le 2 janvier 1580, sera payé popur le « manteau de Brechet 2 escus d’or ». Le 19 avril 1580, sera « 2 testons baillés a Jacques Brechet nagueres enffant de cueur pour laquelle somme et en consideration que ledit Brechet a esté entretenu aux escolles que mys en mestyer il a quicté et quicte ladite chapelle de toutes choses generalement quelconques et promis ne leur demander jamays aulcune choses d’aultant quil est plus que satisfait ». Le 2 janvier 1582, « messieurs ont commis monsieur Brunet pour compter avec messire Pierre Jourdrin touchant la pention de Jehan Brechet pour le temps qu’il a demoré en apprentissage avec ledict Jourdin et d’aultant que ledit Jardin par arché fait avec luy a receu plus qu’il ne luy fault pour le peu de demeure que icelluy Brechet a faict en l’hostel dudit Jardin ; [messieurs] ont chargé ledit Brunet de retyrer ledit surplus et en bailler quictance audit Jardin ». Le 4 juin 1583, « monsieur Dumayne plus antien chanoine » fait son rapport sur François Guython pour la place de vicaire que souloit tenir messire Mace Arrachepied [qui a démissioné]. Il est capable et sufisant. Il est « receu par la ceance qui luy en a esté baillée au cueur du costé de la main destre entrant audit cueur, par monsieur Brechet commis par le chappitre quand a ce » (Pilleboue PCR, d’après F-AD 18, 8G 1531, f. 104, 8G 1541, 8G 1543, f. 48v, 159v).