Fournier, Guillaume (…-Oct. 1587). Musician

Guillaume Fournier, prêtre avec des lettres de prêtrise datées de la veille de pasques 1565, maître des enfants de chœur de la cathédrale de Senlis, est reçu maître des enfants de la Sainte-Chapelle de Bourges en 1581. Il est renvoyé en 1584, pour infirmité ( ?), et remplacé peut-être par Barthélémy Destry pour quelque mois de 1584 sans certitude, puis Yves Bessac de 1584 à 1586 et Melchior Roussel pour 6 mois de 1586. Au départ de ce dernier on le rappelle pour trois mois jusqu’à fin janvier 1587. Il est alors remplacé par Blaise Bonneau. Il meurt probalement début octobre 1587.
• Cathédrale de Senlis, 1581. Guillaume Fournier est mentionné dans les registres de la Sainte-Chapelle de Bourges comme maître des enfants de chœur de l’église de Senlis (voir ci-après).
• Sainte-Chapelle de Bourges, 1581-1587. Le 16 août 1581, « messieurs ont ordonné qu’il sera escript a monsieur Fornyer maistre des enffans de cueur de l’eglise de Sanslys pour savoir s’il veult prandre la maistrise de seans a tel pris charges et conditions que la tenoyt maistre Thoussainctz Rahel et pour cest effect luy sera envoyé coppie du contract dudit Rahel ; et oultre que luy sera baillée une chappellenye qui est de valleur de 200 livres tournois ». Le 12 septembre 1581, « messieurs ont… receu maistre des enffans de cueur de l’esglise de seans maistre Guillaume Fournyer a present maistre des enffans de cueur de l’esglise de cathedralle de Sanlys aux charges et conditions portées et declarées par le bailh de ladite maistrise que faict luy en a esté en la presence du notaire soubzsigné… Messieurs ont accordé audit Fournyer present ce acceptant la chappellenye a la quelle appartient a nomer et presenter a monsieur Pallu chanoine de sceans ; et ly ont reservé de l’en prouvoir absolument jusques a la venue de monsieur le tresorier ce pendant ont conclud et ordonné que ledit maistre des enffans gangnera les fruictz d’icelledite chappellenye du jourdhuy ». Le 16 septembre 1581, « au messagier et cochyer juré de ceste ville de Bourges 4 escus pour le marché fait avec luy pour admener maistre Guillaume Fournyer maistre des enffens de Sanlys de la ville de Paris en ceste ville… pour estre maistre des enffens de sceans ; lesquelz 4 ecus seront desduitz audit Fornyer sur ce qu’il gangnera ». Le 23 septembre 1581, « Chevrier presente un chappelin a la place de messire Samuel Duval vaccant par sa demission maistre Guillaume Fournyer a present maistre des enffens de seans ». Il est renvoyé au chantre. Le 24 septembre 1581, le chantre présente son rapport sur Guillaume Fornyer pour estre chappelain. Il est cappable et receu en l’absence du tresorier. [il y a de nombreuses hésitations sur le protocole a suivre en l’absence du trésorier]. Lettres de prebstrise de Guillaume Fournier sont données a Paris la veille de pasques 1565 syngnées Ryousse. Le 5 décembre 1581, messieurs ont « ordonné que monsieur Chevrier fera charger le maistre des enffens de sceans par inventaire et obligation du linge ce jourdhuy rendu par la femme de Boulholle qui estoit blanchisseresse dudit linge qui est de 25 linceulx, 6 nappes, 3 douzaines de serviettes, 26 chemyses 33 aulbes et en descharge la femme de Boulholle.
Le 16 décembre 1581, « messieurs ayant receu la supplication et requeste de maistre Guillaume Fournyer masitre des enffens de sceans tendant affin qu’il leur pleust faire ordonnance pour avoir quelques sommes de deniers en advensement de la maistrise, ladite requeste myse en deliberation ont conclud et ordonné que leur receveur advencera audit maistre la some de 10 ecus sur sadite maistrise et chappellebye pour subvenir a la provision de ses affaires en mendant a leur receveur… desquelles sommes il s’obligera, payables a quatre termes ». Le 17 février 1582, messieurs ont « ordonné que le receveur payera a maistre Guillaume Fornyer maistre des enffans de cueur de sceans la somme de 2 escus sol pour… faire faire les treilhes de l’hostel et maison ou il demoure qui depende de l’eglise de seans que soulloyt tenir feu messire Philippe Mareschal et ce daultant que lesdites treilhes sont a present rompues et abaptues ». Le 10 mars 1582, messieurs ont « ordonné qu’il sera payé au maistre des enffans de cueur 6 livres 10 sols pour le blanchissier du linge desdits enffans durant le quartier escheu ». Le 31 mars 1582, « messieurs ont accordé a maistre Guillaume Fournyer pour la blanchissure du linge des enffans de cueur de sceans a la some de 24 livres tournois par chacun an » ; payé par quartier. Le 17 juillet 1582, [rayé : « messieurs ont ordonné que le receveur payera au maistre des enffans 4 escus sol soit 2 escus pour le banquet des ynocens qui n’avoient esté baillez et les deulx autre pour le banquet de la Sainte-Oulchard ; et encores sera delivré audit maistre le pain de chapitre qui a acoustumé estre baillé pour ledit banquet de Sainte-Oulchard »]. Le 21 juillet 1582 : idem non rayé. Le 22 janvier 1583, « messieurs ont conclud que l’huys et porte de la maison ou se tyent a present le maistre des enffens de sceans qui est celle sortant par le derryere du costé de l’eglise Saint-Estienne sera musrée ou cadenassée. Le 26 mars 1583, messieurs ont « ordonné que le receveur prestera des deniers de la recepte a maistre Guillaume Fornyer, maistre de leurs enffans jusques a la some de 6 escus d’or sol dont il tyrera obligation dudit Fornyer ». On rabatra par quartier 2 ecus à commencer à la Saint-Jehan prochaine. Le 28 mai 1583, « messieurs ont ordonné que leur receveur payera a maistre Guillaume Fornyer maistre des enffans la some de 7 livres 1 sol tournois a quoy se montent les partyes dudit Fournyer arrestées par monsieur Chevrier ». Le 10 juin 1583, sera alloué au receveur « 7 livres 1 sol au maistre des enffans ». Le 3 décembre 1583, « messieurs ont commis monsieur de Chevrier pour soy informer du maistre des enffans quelz meubles il conviendra pour la comodité de ladite maistrise ». Le 24 mars 1584, messieurs ont « ordonné qu’il sera signiffié au maistre des enffans de cueur par messieurs Dumaine et Bouchetel que le chapitre se contente de son service ; et qu’ilz sont pourveuz d’ung maistre en sa place pour le regard de la maistrise actendu son infirmité a raison de laquelle il ne peult vacquer a l’instruction et gouvernement des enffens ».
Le 10 avril 1584, « messieurs ont conclud que l’hostel et maison de la maistrise ou se soulloyt cydavant tenir maistre Guillaume Fournyer nagueres maistre desdits enffans sera reparé de toutes les reparation necessaires pour quoi faire ont commis Dumayne et Bouchetel. Messieurs ont donné a maistre Guillaume Fornyer present ce requerant la somme de 4 ecus d’or en consideration de la perte qu’il dict avoir faicte d’estre venu de son pays en ceste ville pour estre maistre des enffens de sceans qui luy ont ces jours passez estez baillez et delivrez a messire Yves Bessac » (Pilleboue PCR, d’après F-AD 18, 8G 1543, f. 14v, 19, f. 19v-20, f. 21v, 22v, 41v, 44, 106v, 140v, 158, 213, 239v, 241v et autres).
Le 5 octobre 1585, « le receveur attendra maistre Guillaume Fornyer chappelin de 10 ecus qu’il doibt au chapitre ». Le 8 octobre 1585, messieurs ont « conclud que de dimanche dernier Jacque Brunet vicaire chantera chacun jour la messe de Clamecy ou messe des enffens de cuer au lieu de maistre Guillaume Fornyer qui s’en est deschargé samedi dernier au mesme pris, par quartier ». Le 16 novembre 1585, « congé a maistre Guillaume Fornyer chapelain pour 4 semaines pour le voyage qu’il entend faire a sa cure de Sanlis pres Paris ». Le 31 décembre 1585, Guillaume Fournier est de retour à Bourges.
Le 18 octobre 1586, « maistre Melchyor chappellin et maistre des enffens de sceans s’est en personne presenté lequel a prins congé de messieurs et ce faisant quicte les places qu’il tenoyt en ceste eglise ; sur ce messieurs ont chargé monsieur Bochetel d’en parler au maistre Guillaume Fornyer pour ce fait estre proveu qu’il appartiendra ». Le 25 octobre 1586, « sera alloué un ecu sol a maistre Guillaume Fornyer chappelin de sceans pour son remboursement de pareilhe somme qu’il avoyt advancée pour le reliage de deulx grandz livres de muzicque qu’il Fornyer a composez et fait relier a neuf ». Le 28 octobre 1586, « messieurs ont commis monsieur Bochetel pour faire rendre compte au maistre des enffens de present des meubles qui sont en sa possession et ce fait en charger maistre Guillaume Fornyer. [Ce même jour,] messieurs ont conclud de prandre de ce jour pour maistre a leurs enffens maistre Guillaume Fornyer et pour faire rendre compte des meubles a maistre Melchyor a present maistre desdits enffens ont commis monsieur David et Bochetel affin de les mectre esmains dudit Fornyer lequel en feront obliger d’iceulx ». Le 25 novembre 1586, sera payé « 2 ecus sol au maistre des enffens pour avoir fait inhumer ung enffent de cueur mort de la contagion de peste ». Le 16 décembre 1586, messieurs ont « commis David pour examyner et arrester les partyes du maistre de leurs enffens ». Le 16 décembre 1586, « sera alloué 1 ecu 1/3 au maistre des enffens pour certains fraiz qu’il a faict a faire nectoyer la maistrise a cause d’ung enffent de cueur qui y est mort de contagyon que pour l’avoir faict inhumer et ce oultre tradat a luy cydavant faict ».
Le 14 mars 1587, messieurs ont « conclud que le receveur rendra a messire Guillaume Fornyer maistre des enffans l’obligation de 10 ecus qu’il a en sa possession, qu’ilz luy ont remis et ce en consideration des livres de muzicque qu’il a cydavant faits et delivrez au chappitre ; et encores qu’il fera rellever a ses despens les treilhes de l’hostel de sa maistrise ». Le 28 avril 1587, « maistre Guillaume Fornyer chapelain de sceans a demandé la maison que tenoit deffunct messire Yves Bessac. [Le chapitre est d’accord ; la masion de Fournier est donnée à Charles Louis] a la charge entre aultre que s’il vient quelque basse contre ou compaignon il sera tenu luy adcenser pendant le temps qu’il sera a la maistrise ». Le 2 juin 1587, « Paillasson passera bail a Guillaume Fornyer et Charles Loys pour l’adcense des maisons qu’ilz tiennent de chappitre ». Le 4 juillet 1587, « messire Guillaume Fournyer s’est contenté ds reparations de la maison que tenoit maistre Yves bessac a luy accordée en adcense pour en jouir tant qu’il sera chappelain ». Le 4 juillet 1587, Jean Halay est héritier dudit Bessac avec signature de Guillaume Fournyer. Le 4 août 1587, sera alloué « 1 ecu a ung maistre d’enffent de cueur qui est venu de Tours pour estre receu au lieu de maistre Guillaume Fornyer ce qui n’auroit esté faict pour ce qu’ilz n’auroient auparavant chargé monsieur Bochetel leur confrere d’en trouver ung a Paris ».
Le 6 octobre 1587, messieurs ont « conclud que le receveur payera a la Visve la blanchissure du linge des enffens a la raison qu’il a acoustumé estre payé ; et ce pour le temps qu’il luy est deub qui est depuys la mort de messire Jehan [sic] Fornyer jusques a huy ». Le 12 décembre 1587, « monsieur Godard presente comme chappelain au lieu de feu maistre Guillaume Fornyer messire Charles Johannet » (Pilleboue PCR, d’après F-AD 18, 8G 1544).