Foydeau, Jean (…-…). Musician; Singer

F : Jean FOYDEAU, FEYDEAU, FADEAU, FOIDEAU, FONDEAU : vicaire
• Sainte-Chapelle de Bourges, 1573-1582. Le 19 septembre 1573, « monsieur Dumonthet remonstre que sa vicairye vacque par la longue absence de messire Guillaume Le Vavasseur qui est de deux moys et plus absent sans congé ny permission de monsieur le tresorier ou de son grand vicaire. Et partant en entendoyt presenter et nommer ung aultre en son lieu qui est messire Jehan Fondeau chantre… lequel il a presenté actendu quil est capable et suffisant comme le pourront certiffier messires Jehan Regnault, Thoussainctz Rahel et Mace Arrachepied chappelains de seans quil a requis a ceste fin expres envoyez querir. Ce qui a esté fait et estant present nous ayant les dessus dits sur ce document esté enquis ont par le serment par eulx presté dict certiffié et atesté de verité que ledit Fondeau (Foideau ?) est fort suffisant et capable pour tenir et exercer ladite place de vicaire. Ce scavent pour l’avoir veu chanter en musicque [rayé : lecture] et plain chant et avoir la voye bonne telle quelle est requise en ladite place de vicquaire. Le grand vicaire ordonne que ledit Foideau sera et demeurera receu en ladite place… a la charge quil verifiera de son ingenuité dedans troys moys ». Le 7 novembre 1573, « sera alloué au receveur la somme de 3 livres tournois 12 sous quil a forny pour l’achapt et fasson d’ung camard qui a esté delivré a Feydeau [Foydeau ?] vicaire de ceans ». Le 3 juillet 1574, « pour favoriser messire Jehan Fadeau vicaire de ceans, [messieurs ont] ordonné que le receveur l’attendra de 23 livres tournois jusqu'à noel ». Le 11 septembre 1574, « messire Jehan Foydeau, vicaire a supplyé messieurs luy accorder quil puisse faire l’espitre tout ainsy que sil estoit soubzdiacre jusques a certain temps dans lequel il se fera recepvoir soubzdiacre. [Messieurs ont] ordonné que ledit Foideau fera et pourra faire ladite espitre pour le temps de 3 moys seullement a commancer du jourdhuy ». Le 16 février 1577, « la maison neuve sera baillée a un des vicaires de ceans a Foydeau en dellaissant la chambriere et femme quil a de present ou aultre a faulte de ce faire a Blayse Bonneau ». Le 26 février 1577, « apres que messire Jean Foydeau a declaré ne voullay prendre en adcense la maison neuve aux conditions portées par certaine ordonnance de chapitre, [messieurs] ont accordé ladite maison a Blaise Bonneau vicaire ». Le 27 mai 1579, « est venu en chappitre messire Jehan Foideau chappellin en l’eglise de seans lequel nous a dit et remonstré que combien qu’il soict en rang d’estre proveu de benefice quand vacation y eschoit tant par le moien de longtemps quil est de l’eglise ayant touzjours faict son debvoir au service d’icelle comme il appert et neantmoingt n’a esté proveu de benefice par monsieur le thesaurier collateur d’iceulx comme il le merite ains en ont estez proveuz ceulx qui despuys luy ont estez et a ces causes et pour ce que le chapitre est conservateur des droictz des chappellins et vicquaires de la dicte eglise qui a puissance de presenter ausdits benefices quand ledit sieur tresorier ny provoye et requis voulloyr le nomer et presenter a monseigneur frere unicque du Roy au premier benefice qui viendra a vacquer pour ce pouvoir. Sur icelle par devers son altesse et aussi se soustenir et maintenir les chappellins et vicquaires de ladite eglise ne demeure le tout selon l’intantion du duc Jean fondateur d’icelle » . On verra. Le 12 septembre 1579, Foideau obtient ses distributions. Le 27 juin 1581, Clairé, Barreau, Taillon, Johannet, Foideau et Charles Loys obtiennent leur gagne « a la charge qu’ilz feront meilleure residence en l’eglise quilz n’ont fait par le passé ». Le 19 mai 1582, « messieurs ont accordé a messire Blayse Bonneau vicaire organiste de ceans la maison que tenoit de chapitre messire Jehan Foydeau » (Pilleboue PCR, d’après F-AD 18, 8G 1537-1541, 8G 1543, f. 77v et autre).